Rusiyanın Sankt-Peterburq şəhərindən Yunanıstanın Korfu adasına uçan sərnişin təyyarəsi hərəkətdə olduğu vaxt quşla toqquşub. "Qafqazinfo” bildirir ki, bu barədə hava gəmisinin məxsus olduğu "Rossiya” aviakompaniyasının mətbuat xidməti məlumat verib.

Təyyarə, quşla toqquşmasına baxmayaraq, Korfuda uğurlu eniş edə bilib. Təyyarəyə baxış keçirən mütəxəssislər onun yararsız hala düşdüyünü bildiriblər. Aviakompaniya, dönüş reysini həyata keçirmək üçün, "Vnukovo” hava limanından Korfuya başqa təyyarə göndərib.