Psixi pozğunluq, yaddaş itkisi, korluq, qəfil ölüm - Bunlara COVID-19 səbəb göstərilir, əslində isə...

Psixi pozğunluq, yaddaş itkisi, korluq, qəfil ölüm - Bunlara COVID-19 səbəb göstərilir, əslində isə...
Koronavirusa yoluxub sağalmış bəzi insanlar sonrakı fəsadlardan şikayət edirlər. "Sanki psixikamda dəyişiklik əmələ gəlib” kimi fikirlərin tez-tez şahidi oluruq. Vəziyyəti kafi qiymətləndirilən, hətta sağalmaq üzrə olan bəzi xəstələrin qəflətən ağırlaşması və tənəffüs dayanmasından dünyalarını dəyişdiyi də söylənilir. Təcili tibbi müdaxilənin belə kömək etmədiyi bu halı, virusun uzunsov beyinə keçib, tənəffüs mərkəzini blokada etməsi ilə əlaqələndirirlər. Səbəbi kəskin hipotoniya olan bəzi ölümlərin isə, virusun qan-damar mərkəzinə iflicedici təsirilə əlaqədar olduğu bildirilir.
 
Sfera.az-ın məlumatına görə, bununla bağlı tibb elmləri doktoru, professor Musa Qəniyev deyib ki,  COVID-19 baş beyinə yalnız üç  keçid yolundan - limfa, qan və ya sinir yolu ilə daxil ola bilər:

"Limfa dövranında sirkulyasiyaya, əsasən yüksək molekul çəkili "amillər” məruz qalır. COVID-19-un molekul çəkisi karbon atomu çəkisinin 1/12 nisbətindən də az olduğuna, eləcə də sirkulyar limfa axınının əks istiqamətliliyi səbəbindən, virusun limfa sistemilə baş beyinə daxil olması qeyri-mümkündür. Koronavirusun qan-damar sistemilə beyinə nəqlinə gəlincə, viruslar mübadiləyə girmək- formalı elementlərə bağlanmaq xüsusiyyətinə malik olmadığından, bu yolla beyinə transformasiya  mümkünsüzdür və ciddi fəsadlar törətməsi reallıq deyil. Deməli, virusun baş beyinə yalnız sinir liflərilə daxil olma ehtimalı qalır”.

Mütəxəssisin sözlərinə görə, COVID 19-un baş və beyinə yeganə giriş qapısı qoxu siniridir:

"Virus qoxu sinir toxumasına daxil olduqdan sonra, qoxu soğanağına çataraq onu zədələyir, bu da tənəffüsün çətinləşməsində əsas səbəblərdən biridir. Bu hal yoluxmanın başlanğıc mərhələsində qoxu hissinin itməsinə səbəb olur. Tənəffüsün isə, qəflətən dayanması və ya kəskin hipotoniya kimi ölümlə nəticələnən halın, COVID-19-la birbaşa bağlılığı yoxdur. Bu ölümlərə koronavirusu səbəb kimi göstərib, insanları qorxu altında saxlamaq olmaz.  COVID-19-un korluq törədə bilməsi isə, ümumiyyətlə, mümkün deyil. Çünki, görmə sinirinin torlu qişadan başlayıb, görmə mərkəzinə, yəni ənsə payının "Mahmuz” şırımına qədərki yolunun heç bir sahəsində COVID-19-un bağlandığı aktiv reseptor mexanizm yoxdur”.

Professor qeyd edib ki, xəstəliyi keçirmiş, eləcə də xəstəliyin davamı müddətində bəzi insanlarda müşahidə olunan operativ yaddaş pozğunluğu, "beynin sanki dumanlanması”, "şüurun qaranlıqlaşması” və sair kimi əlamətlər, immun sistemin virusa qarşı kəskin əks reaksiyasının nəticəsidir:

"Bu hal İgG antitellərin titrinin yüksək olduğu halda, aparılan vaksinasiya və ya revaksinasiya halında da müşahidə oluna bilər. Bu pozğunluqların hər biri zaman-zaman bərpa olunacaq. Yəni xüsusi korreksiya və ya dərman müdaxiləsi tələb edən hal deyil”.

Günay Rəsulqızı
Sfera.az
Sehliyali
Turan Bank

OXŞAR XƏBƏRLƏR

Xərçəngə qarşı vaksinlər gəlir - Uğur Şahin tarixi açıqladı

Almaniyalı türk həkim, "BioNTech" firmasının icraçı direktoru, professor Uğur Şahin Yunanıstanın "Kathimerini” qəzetinə verdiyi açıqlamalarla gündəmə gəlib.&nbs...

“Hamilə qadın koronavirusa yoluxubsa...” - Yeni doğulan uşaqlar virusla belə "tanış olur"

Son vaxtlar yeni doğulan körpələr arasında da koronavirusa yoluxma hallarının olduğu və bəzilərinin süni tənəffüs aparatına qoşulduğu ilə bağlı məlumatlar ya...

“Super qrip” gəlir - Simptomları açıqlandı

Avropada son günlər qripə bənzər soyuqdəymə xəstəliyi kütləvi şəkildə yayılıb.   Sfera.az ” "Hürriyet”ə istinadən xəbər verir ki, "Super qrip” adlandırıl...

Uğur Şahindən XƏBƏRDARLIQ: “Üçüncü doza peyvənd tətbiq edilməsə...”

"İkinci doza vaksin şiddətli xəstəliklərə qarşı müdafiə təmin edir, ancaq peyvəndin üçüncü dozası xəstəliyin yayılmasını tamamilə dayandıracaq”.   Sfera....

Koronavirusa qarşı tək doza ilə ən təsirli vaksinin adı bəlli oldu

Koronavirusa qarşı ən təsirli peyvəndlərin adı məlum olub. Sfera.az xəbər verir ki, ABŞ Milli Sağlamlıq İnstitutu (NIH) tərəfindən maliyyələşdirilən a...

ÜST rəhbəri üçüncü doza peyvəndə qarşı olduqlarını açıqladı - "Təcili dayandırılmalıdır!"

Ümumdünya Səhiyyə Təşkilatının (ÜST) Baş direktoru Tedros Adhanom Qebreyesus peyvəndin 3-cü dozası ilə bağlı sərt tənqidlər səsləndirib.   Sfera.az bildi...