Professor peyvənddən sonra ağırlaşmaların səbəbini açıqladı: "Buna əməl olunmasa..."

Professor peyvənddən sonra ağırlaşmaların səbəbini açıqladı:
"Peyvənd bütün hallarda müvafiq infeksiyanın orqanizmdə "nisbi xəstələnmə modelini” yaradır. İstənilən halda, peyvənddən sonra inyeksiya yerində ağrının olması, hətta bir neçə gün davam etməsi, qızdırma, üşütmə, halsızlıq, ishal, baş, əzələ, oynaq ağısı və s. normal gözləntilərdir”.
 
Sfera.az bildirir ki, bunu tibb elmləri doktoru, professor Musa Qəniyev deyib. Mütəxəssisin sözlərinə görə, sadalanan əlamətlər peyvəndin yan təsirləri deyil, yalnız formalaşan immunitetə orqanizmin lokal və ya sistem reaksiyasıdır:

"Əlamətlər qısa müddətdən sonra tamamilə aradan qalxır. İnfeksiyaya tutulub sağalan şəxslərdə əmələ gələn immunitet, peyvəndlərin əmələ gətirdiyi immunitetdən dəfələrlə güclü olur. Mutant ştammından asılı olmayaraq, bütün təkrari yoluxma halında insan bu infeksiyaları çox yüngül, yəni fəsli infeksiya kimi keçirir. 

Hazırkı pandemiya şəraitində koronavirus əleyhinə peyvəndlərin vurulması mütləq şəkildə lazımdır. Lakin bu infeksiyanın istənilən klinik formasını keçirib sağalmış şəxslərə qoruyucu antitellərin pozitiv titri zamanı peyvənd vurulması məsləhət deyil, bunu etmək olmaz. İndiki şəraitdə vaksinasiya qeyri-rəsmi olsa da, məcburidir.  Belə olan halda, xəstəlikdən sağalan, lakin qeydiyyata düşməyən şəxslərin məlum zaman müddəti gözlənilmədən, peyvənd olunacağı təqdirdə, onların arasında  kəskin klinik əlamət və qeyri-spesifik effektlərin meydana çıxması ehtimalı istisna olunmur. Odur ki, bunu vaksinin ayağına yazıb, peyvəndə qarşı insanlarda inamsızlıq, qorxu və ruhi sarsıntı yaratmaq düzgün deyil”.

Professor xatırladıb ki, peyvəndləmə mütləq könüllülük prinsipi əsasında aparılmalıdır:

"Təbii ki, heç kim ölmək istəmir. İnsanlara bütün reallıqlar izah edilib düzgün təlimatlandırılarsa, bu istiqamətdə mövcud bütün problemlər aradan qalxacaq. Peyvənd olunmadığı halda, COVİD-19-a qarşı qoruyucu İgG antitellərinin titrinin pozitivliyi təsdiq olunmuş istənilən vətəndaşımız bu infeksiyaya yoluxub-sağalmış şəxs kimi qeydiyyata alınmalı, onların ad və soyadı portala salınmaqla, həmin şəxslərə immunitet pasportu və vaksinasiyadan məlum möhlət hüququ verilməlidir. Bunlara əməl olunarsa, heç vaxt peyvənddən sonra kimsənin ağır vəziyyətə düşməsi haqqında xəbər eşitməyəcəyik”.

Günay Rəsulqızı
Sfera.az
Sehliyali
Turan Bank

OXŞAR XƏBƏRLƏR

“Hamilə qadın koronavirusa yoluxubsa...” - Yeni doğulan uşaqlar virusla belə "tanış olur"

Son vaxtlar yeni doğulan körpələr arasında da koronavirusa yoluxma hallarının olduğu və bəzilərinin süni tənəffüs aparatına qoşulduğu ilə bağlı məlumatlar ya...

“Super qrip” gəlir - Simptomları açıqlandı

Avropada son günlər qripə bənzər soyuqdəymə xəstəliyi kütləvi şəkildə yayılıb.   Sfera.az ” "Hürriyet”ə istinadən xəbər verir ki, "Super qrip” adlandırıl...

Uğur Şahindən XƏBƏRDARLIQ: “Üçüncü doza peyvənd tətbiq edilməsə...”

"İkinci doza vaksin şiddətli xəstəliklərə qarşı müdafiə təmin edir, ancaq peyvəndin üçüncü dozası xəstəliyin yayılmasını tamamilə dayandıracaq”.   Sfera....

Koronavirusa qarşı tək doza ilə ən təsirli vaksinin adı bəlli oldu

Koronavirusa qarşı ən təsirli peyvəndlərin adı məlum olub. Sfera.az xəbər verir ki, ABŞ Milli Sağlamlıq İnstitutu (NIH) tərəfindən maliyyələşdirilən a...

ÜST rəhbəri üçüncü doza peyvəndə qarşı olduqlarını açıqladı - "Təcili dayandırılmalıdır!"

Ümumdünya Səhiyyə Təşkilatının (ÜST) Baş direktoru Tedros Adhanom Qebreyesus peyvəndin 3-cü dozası ilə bağlı sərt tənqidlər səsləndirib.   Sfera.az bildi...

Psixi pozğunluq, yaddaş itkisi, korluq, qəfil ölüm - Bunlara COVID-19 səbəb göstərilir, əslində isə...

Koronavirusa yoluxub sağalmış bəzi insanlar sonrakı fəsadlardan şikayət edirlər. "Sanki psixikamda dəyişiklik əmələ gəlib” kimi fikirlərin tez-tez şahidi oluruq...