Premyer Liqa klubu "Ayaks"ın futbolçusunu transfer etdi

Premyer Liqa klubu
 

İngiltərənin "Brayton" klubu "Ayaks"ın müdafiəçisi Joel Veltmanı transfer edib.

 

Sfera.az klubun saytına istinadla xəbər verir ki, Premyer Liqa təmsilçisi Niderland millisinin üzvü ilə 3 illik müqavilə imzalayıb. "Brayton" 28 yaşlı müdafiəçinin keçidi üçün 900 min funt-sterlinq təzminat ödəyib.

 

Veltman "Ayaks"ın yetirməsidir. Niderlandlı futbolçu 2012-ci ildən Amsterdam təmsilçisinin əsas komandasında çıxış edirdi. Veltman ötən mövsüm 27 oyun keçirib.

 

"Brayton" bundan öncə "Liverpul"dan ayrılan Adam Lallana ilə 3 illik müqavilə imzalamışdı.

OXŞAR XƏBƏRLƏR