Polkovnik ermənilərin Şuşa təxribatının məqsədini açıqladı

Polkovnik ermənilərin Şuşa təxribatının məqsədini açıqladı

"Erməni separatçılarının Şuşada "and içmə” mərasimi təşkil etməsi bizim cəmiyyəti qıcıqlandırmağa hesablanmışdı”. 

Sfera.az xəbər verir ki, bunu Hit.Az-a açıqlamasında ehtiyatda olan polkovnik Şair Ramaldanov deyib.

O bildirib ki, heç bir dövlət və beynəlxalq təşkilat tərəfindən tanınmayan qondarma "Dağlıq Qarabağ Respublikası”na indiyə kimi bir neçə dəfə "prezident” seçilib, bununla bağlı bütün tədbirlər Azərbaycan şəhəri olan Xankəndində keçirilib: "Separatçılar və onların havadarları bu dəfə məhz Şuşanı seçdilər. Bütün bunlar məqsədli şəkildə həyata keçirilən proseslərdir. Düzdür, Azərbaycan cəmiyyətinin belə həssas məsələyə sərt reaksiya verməsini müsbət qiymətləndirirəm. Ermənilərin bu həyasızlığına son qoymaq lazımdır, ancaq onu da unutmaq olmaz ki, ermənilərin də bu proseslərin fonunda əldə etmək istədiyi məhz cəmiyyətin qıcıqlanması idi. Bütün bunlar Ermənistanın düşünülmüş şəkildə etdiyi təxribatı idi”.

 

 

Ehtiyatda olan polkovnikin fikrincə, Ermənistan rəhbərliyi Şuşa təxribatı ilə siyasi xal qazanmaq istəyirdi: "Azərbaycanın Aprel döyüşləri, yaxud başqa formada güc tətbiq etməsinə çalışırdılar. Sonra da Ermənistan tərəfi bunu əlində bayraq edəcəkdi ki, Azərbaycanla danışığa getmək, müzakirələrlə sülhə nail olmaq mümkün deyil. Yəni əslində ermənilərin Şuşa ilə bağlı təxribatının altında siyasi məqsəd vardı. 

Bu da səbəbsiz deyil. Rusiyanın xarici işlər naziri Sergey Lavrov bir müddət əvvəl  Dağlıq Qarabağ münaqişəsinin mərhələli şəkildə həlli ilə bağlı konkret bəyanat verdi. ATƏT-in Minsk qrupunun həmsədr ölkəsi belə bir mövqe tutubsa, deməli burada ciddiyyət var. Sergey Lavrov ilk növbədə Dağlıq Qarabağın ətrafında yerləşən 7 rayonun qaytarılması ilə bağlı bəyanat verdi. Ancaq belə mümkün siyasi prosesin getdiyi vaxtda erməni tərəfi özünü elə həyasızcasına apardı ki, proses müəyyən bir şəkildə dayandırılsın. 

Müdafiə naziri general-polkovnik Zakir Həsənovun dediyi kimi, artıq hər hansı təxribat olarsa Azərbaycan tərəfi malik olduğu ən müasir silahların tətbiqi ilə işğal olunmuş torpaqlarını azad edəcək”. 

Ş.Ramaldanov deyib ki, Prezident İlham Əliyevin apardığı uğurlu siyasət nəticəsində Rusiyanın Azərbaycana olan münasibəti yaxşıya doğru dəyişib: "Rusiya Ermənistanla bir çox məsələrdə razılaşmır. Artıq Yerevanla Moskva arasında soyuq münasibətlər mövcuddur və bu, özünü Sergey Lavrovun atdığı addımda da göstərdi. Prezident İlham Əliyevin apardığı uğurlu siyasət nəticəsində bu gün həm Dağlıq Qarabağ münaqişəsinin həllində "açar" rolunu oynayan, həm də Minsk qrupunun həmsədri olan Rusiya artıq 7 rayonun qaytarılması ilə bağlı xarici işlər naziri səviyyəsində bəyanat verir. Bunu eşidən ermənilər Şuşada təxribat törətdilər. Onlar Azərbaycan cəmiyyətini qıcıqlandırmaq, dövləti güc tətbiqinə məcbur etmək üçün bu addımı atdılar. Əgər Azərbaycan Şuşadakı tədbirin qarşısını almaq üçün hər hansı addım atsaydı, Sergey Lavrovun qaldırdığı məsələ sıfıra enə bilərdi. Ancaq cəmiyyətin və dövlətin soyuqqanlılığı bu məsələnin nəzarətdən çıxmasına imkan vermədi”.

OXŞAR XƏBƏRLƏR

“Bunun kimə nə dəxli var?” – Deputatlar karantin qaydalarını pozan həmkarına dəstək verdi

"Bir epizoda görə məsələni bu qədər ictimailləşdirməyə ehtiyac yoxdur”. Bu sözləri Sfera.az-a açıqlamasında 91 saylı Ucar Seçki dairəsindən deputat Rami...

DTX XİN -də keçirilən əməliyyatın videosunu yaydı - SON DƏQİQƏ!

  Dövlət Təhlükəsizlik Xidməti Xarici İşlər Nazirliyində keçirilən əməliyyatın videosunu yayıb.  Sfera.az həmin videonu təqdim edir: ...

“Fairmont Baku” otelinin rəhbəri də cərimələnib? - DİN-dən REAKSİYA

  Nazirlər Kabineti yanında Operativ Qərargahın müəyyən etdiyi qaydaları pozan, sanitar-epidemioloji vəziyyəti nəzərə almadan, koronavirusa qarşı mübarizə...

“Sən əsl dost, heyrətamiz anasan” – Emin Leyla Əliyevanı təbrik etdi

  Xalq artisti Emin Ağalarov Heydər Əliyev Fondunun vitse-prezidenti Leyla Əliyevanı təbrik edib.  Sfera.az xəbər verir ki, bu barədə sənətçi s...

Avtosfer.az və QHT polisləri belə təbrik etdi - FOTO - VİDEO

  Bu gün Azərbaycan polisinin yaranmasının 102 ili tamam olur. Hər il olduğu kimi bu il də "Jurnalistika və İnkişaf Mərkəzi” İctimai Birliyinin təşəbbüsü ...

İlham Əliyevdən Azərbaycan Polis Günü ilə bağlı paylaşım - FOTO

  Prezident İlham Əliyev 2 iyul - Azərbaycan Polis Günü ilə bağlı "Facebook” hesabında paylaşım edib.  Sfera.az  xəbər verir ki, paylaşımda dey...