Çox vaxt eşidirik ki, yumurta qaraciyərə ağırlıq verir, xolestrol yaradır. Buna görə hətta bəzi insanlar gündəlik rasionundan yumurtanı çıxardıb. Ancaq dietoloqlar yumurtanı rasiondan çıxarmamağı məsləhət görürlər. Yalnız şəkər və allergiyası olanlara ehtiyatlı qidalanmağı tövsiyyə edirlər. Əslində yumurta çox xeyirli məhsuldur. Ancaq gün ərzində necə və nə qədər yemək qaydasını bilmək lazımıdır.

Yumurtanı orqanizm tez mənimsəyir

Yumurta ağı orqanizmdə 98% tez əriyir. Bu da orqanizmdə yeni hüceyrələrin yaranmasına yaxşı təsir edir. Yumurta əzələ kütləsinin artırılması və lazımi səviyyədə qalması üçün vacibdir. Hər gün 1 yumurta yemək arıqlamağa kömək edir. Yumurtanın tərkibindəki zülal iştahanı aşağı salır və metabolizmanı gücləndirir. Əsasən də yumurtanın səhər yeməyində yeyilməsi məsləhətdir. Bu aclıq hormonuna kömək edir və insanı tox saxlayır.

Yumurta vitaminlə zəngindir

İnsanın gündəlik vitamin norması yumurtada cəmlənib. 1 yumurtada gündəlik norma olan 5% A, 10%-D vitaminləri cəmlənib. Həmçinin fosfor, dəmir, sink, yod, retinol, riboflavin mikroelemenləri ilə də zəngindir.

Gündə 1 yumurta yemək sizi göz xəstəliyindən qorumuş olacaq. Həmçinin tərkibindəki A vitamini göz əzələlərini gücləndirir və “toyuq korluğu” xəstəliyini sağaldır.

Yumurta osteoparozdan qoruyur

İlıq yumurta yemək sümüklərin daim bərk olmasına kömək edir. Sümük yumşaqlığı əsasən qadınlarda 40 yaşından sonra daha çox rast gəlinir.

Yumurta beyni gücləndirir

Yumurtanın tərkibindəki xolin maddəsi beyni gücləndirir. Yumurta yaddaşı, yaradıcı düşüncəni gücləndirir, hadisələrə reaksiyanı tezləşdirir.

Uşaqda allergiya yoxdursa, 2-3 yaşlarından hər səhər ilıq yumurta yedirtmək beynin düzgün və hormonal fonunun sağlam formalaşmasına kömək edir.

Yumurta ateroskleroz xəstəliyi riskinin qarşısını alır

Qidada yumurtadan istifadə etmək qanda xolesterinin miqdarını qaldırmır. Xolesterin yumurtada fosfatidlərin (lesitinə oxşar birləşmələr) səviyyəsindən asılıdır. Fosfaditlər damarda ateresklerozun yaranmasına mane olur.

Yumurtanın qaraciyərə ziyan verməməsi üçün suda ilıq şəkildə qaynadıb, duzsuz yemək məsləhətdir. Yumurtanın bu cür bişməsi kərə yağı və zeytun yağında bişməsindən daha təminatlıdır.

Yumurtanın inanılmaz - FAYDALARI