No Image
No Image
No Image

Pərvin Kərimzadə: Ermənilərin Dağlıq Qarabağda qanunsuz məskunlaşdırılması beynəlxalq hüquqa ziddir

Pərvin Kərimzadə: Ermənilərin Dağlıq Qarabağda qanunsuz məskunlaşdırılması beynəlxalq hüquqa ziddir
 

Tarixən təcavüzkar Ermənistan işğal etdiyi Azərbaycan ərazilərində qeyri-qanuni məskunlaşma, eləcə də demoqrafik strukturu süni şəkildə dəyişdirmək siyasətini həyata keçirməklə bu günkü faşist ideologiyasına xidmət edən dövləti yaradıb. Təbii ki, Livan ermənilərinin Azərbaycanın hazırda hərbi işğal altında olan Dağlıq Qarabağ və ətraf bölgələrinə köçürülməsi işğalçı Ermənistanın məkrli planının bir hissəsidir. Bunu Milli Məclisin deputatı Pərvin Kərimadə bildirib.

 

Millət vəkili qeyd edib ki, ermənilərinin Dağlıq Qarabağa – Azəraycanın əzəli-əbədi torpaqlarına köçürülməsi zaman-zaman baş verib. Bu gün də faşist ideologiyasının hökm sürdüyü Ermənistanın işğalçılıq siyasəti Azərbaycanın beynəlxalq səviyyədə tanınmış ərazilərini zəbt etməyə xidmət edir.

Bir milyondan çox insanın hüquqlarını pozan, başqasının torpağına göz dikən işğalçı Ermənistanın saxta demokratiyası, hazırkı hakimiyyətin qurduğu diktatura rejimi öz əsl xislətini göstərməkdə davam edir. Bu gün işğalçı Ermənistanın Azərbaycanın tarixi ərazilərini işğal etməklə, sonra isə həmin ərazilərdə erməni əsillilərin qeyri-qanuni məskunlaşdırılması cəhdi dünya ictimaiyyətinin gözü önündə baş verir. Təəssüflər olsun ki, bugünkü reallıqları əks etdirən faktları görməyən, daha doğrusu görmək istəməyən beynəlxalq təşkilatlar işğalçı Ermənistanın başına sığal çəkməklə məşğuldurlar. Erməni əhalisinin Azərbaycanın işğal olunmuş Dağlıq Qarabağ bölgəsinə köçürülməsi məsələsinin Ermənistan hökuməti üçün prioritet təşkil etdiyi işğalçı dövlətin rəhbərliyi tətəfindən rəsmən bildirilməsinə baxmayaraq beynəlxalq təşkilatlar əməli addımlar atmırlar.

Azərbaycan tərəfi işğalçı Ermənistan tərəfindən həyata keçirilən qeyri-qanuni məskunlaşdırma siyasəti ilə bağlı ciddi etirazını ATƏT-in Minsk qrupunun həmsədrləri qarşısında və müvafiq beynəlxalq təşkilatlar çərçivəsində qaldırıb.

Eyni zamanda ölkəmizin haqlı mövqeyi elmi fakrlarla, dünya KİV-lərində, sosial şəbəkələrdə təbliğ olunur.

Livanda, Beyrutda baş verən partlayışdan, insanların fəlakətlərindən, faciələrindən istifadə edərək bu qeyri-qanuni məskunlaşma strategiyasını həyata keçirən Ermənistan hökuməti məsuliyyətə cəlb edilməlidir. Dağlıq Qarabağda qanunsuz məskunlaşdırma siyasətinin beynəlxalq humanitar hüququn, o cümlədən 1949-ci il Cenevrə konvensiyalarının müddəalarının kobud şəkildə pozduğunu nəzərə alsaq Ermənistan hakimiyyətinin Dağlıq Qarabağ münaqişənin sülh yolu ilə həllində maraqlı olmadığını beynəlxalq təşkilatlar da aydın görə bilərlər. Beynəlxalq təşkilatlar illərdir Ermənistan hökumətinin işğal olunmuş ərazilərimizdə coğrafi və yer adlarını dəyişdirdiyinə, Dağlıq Qarabağ və ətraf rayonların təbii resurslarını talan etdiklərinə, onlardan qazanc məqsədilə istifadə etdiklərinə, xüsusilə də Suriyadan olan erməni əsilli qaçqınların məqsədyönlü şəkildə məskunlaşma siyasətini apararaq demoqrafik tərkibin dəyişdirilməsi kimi qeyri-qanuni əməllərininə nəzər salaraq məsələyə hüquqi qiymət verməlidirlər. Lakin, çox təssüflər olsun ki, beynəlxalq təşkilatlar faşizm ideologiyasından güc alan işğalçı Ermənistanın əməlləri ilə bağlı obyektiv fikirlərini bildirmirlər.

OXŞAR XƏBƏRLƏR

Azərbaycanın milli dronu olan "Zərbə"nin xüsusiyyətləri

Düzgün innovativ həllər yalnız vətəndaşların rahatlığı yox, həmçinin Vətənin təhlükəsizliyi ola bilər. Bu gün Ordumuzun pilotsuz uçan aparatlardan (PUA) geniş i...

Hikmət Hacıyevdən BİLD-in iddiasına cavab: “Azərbaycan Prezidenti “sarı mətbuat”a müsahibə vermir”

Prezidentin köməkçisi, Prezident Administrasiyası xarici siyasət məsələləri şöbəsinin müdiri Hikmət Hacıyev Almaniyanın BİLD nəşrinin əməkdaşının iddialarına ca...

Prezidentin 4 qələbə tviti canlı efirdə maraqlı anlara səbəb oldu - VİDEO

Prezident İlham Əliyevin ordumuz tərəfindən Füzuli, Cəbrayıl və Zəngilan rayonlarının 22 yaşayış məntəqəsinin işğaldan azad edilməsi il...

Dallas şəhərində Azərbaycana dəstək - FOTO

Dünyanın bir çox ölkələrində Ermənistan silahlı qüvvələrinin mülki əhalini hədəf almasını qınayan aksiyalar təşkil edilir, Azərbaycan bayrağı müxtəlif şəhərlərd...

Zəngilanda ucaldılan bayrağımız hansı dövlət binasının qarşısında dalğalanır?

20 oktyabr tarixində Zəngilan şəhərinin işğaldan azad olunduğu bildirildi. Sfera.az xəbər verir ki, dərhal ölkə başçısı İlham Əliyev Zəngilanı işğaldan az...

Avtovağzal taksi sürücülərindən maraqlı aksiya - FOTO

Bakı Beynəlxalq Avtovağzalından Azərbaycanın müxtəlif rayonlarına müştəri daşıyan taksi sürücüləri maraqlı aksiya keçiriblər. Sfera.az xəbər verir ki, bel...