Pandemiya onlara təsir etmədi – Milyarderlərin sayı ARTIB
10:34 / 07.04.2021
928
Pandemiya dövründə milyarderlərin sərvəti və sayı artıb.
Sfera.az xəbər verir ki, ABŞ-ın məşhur "Forbes” jurnalının dərc etdiyi milyarderlər siyahısında bu il rekord sayda insan yer alıb.
35-ci dəfə yayımlanan milyarderlər siyahısına görə pandemiya dövründə milyarderlərin sayı 660 nəfər artaraq 2755 nəfərə çatıb.
Siyahıda yer alan rəqəmlərə əsasən yeni növ koronovirus pandemiyasına baxmayaraq milyarderlərin ümumi sərvəti 5 trilyon dollar artaraq 13,1 trilyon dollara olub.
Rekord həddə çatan milyarderlər siyahısına bu il 493 yeni ad daxil olub.
ABŞ-ın elektron ticarət nəhəngi "Amazon”un qurucusu Ceff Bezos 177 milyard dollar sərvəti ilə 4-cü dəfə dünyanın ən zəngin insanı kimi qeydə alınıb. Ötən il siyahıda 31-ci olan "Tesla” və” SpaceX”in qurucusu Elon Mask isə 151 milyard dollar sərvəti ilə siyahıda 2-ci yerə yüksəlib.
Üçüncü pillədə isə 150 milyard dollarlıq sərvətlə fransalı iş adamı Bernard Arnault qərarlaşıb.
İnci
Sfera.az