“OĞRU, QULDUR, BANDİT” NAZİRLƏR?! – Siyavuş Novruzovdan sensasiyalı fikirlər

“OĞRU, QULDUR, BANDİT” NAZİRLƏR?! – Siyavuş Novruzovdan sensasiyalı fikirlər

YAP-ın icra katibinin müavini, Milli Məclisin komitə sədri Siyavuş Novruzov XİN rəhbəri Elmar Məmmədyarovun DTX-ya müraciətini şərh edərkən maraqlı fikirlər səsləndirib. 

Sfera.az xəbər verir ki, YAP funksioneri "Yeni Müsavat”a açıqlamasında xüsusilə 3 nazirliyin qorunmasına ehtiyac olduğunu deyib: "Biz bu gün ilk növbədə Xarici İşlər, Müdafiə, Daxili İşlər nazirlərini qorumalıyıq. Ermənilərin əlinə hər hansı bir əsas verməməliyik ki, bizim Xarici İşlər nazirinə qarşı onların hər hansı iddiası olsun”.

S.Novruzov Elmar Məmmədyarov barədə mətbuatda yayılan məlumatların inandırıcı olmadığını bildirərək, XİN başçısının öz işinin öhdəsindən bacarıqla gəldiyini vurğulayıb və onun digər bəzi nazirlərdən fərqli olaraq, "şou göstərmədiyini” söyləyib: "Sadəcə, Elmar Məmmədyarov mətbuat üçün çalışmır, öz işini görür. Bəzən görürsünüz bəziləri şou göstərirlər. Elə bizim bəzi nazirlərdə də belə adət var. Prezident ölkəyə rəhbərlik edir, ölkədə iqtisadi-siyasi inkişaf gedir, nazirlərin hər biri az qalır ki, bu işləri öz adına yazsınlar. Bunlar ümumi, qlobal siyasəti həyata keçirən komandanın nümayəndələridir.

Məmmədyarovda isə belə adət yoxdur ki, özünü göstərsin. Gəlib iki dəfə çıxış edər, özünü göstərər, ondan sonra hamımız "bəh-bəh”lə deyərik ki, Məmmədyarovun əvəzi yoxdur. Amma o, öz işini görür və çox düzgün də edir. O cümlədən digər bir sıra strukturlarda da. Daxili İşlər, Müdafiə, Fövqəladə Hallar nazirlikləri, hamısı öz işlərini görür. Görürsünüz, mətbuatda yoxdurlar, gəlib mətbuatda başqaları kimi şou göstərmirlər".

Sonra bir daha E.Məmmədyarovun DTX-ya müraciətinə normal yanaşdığını vurğulayan S.Novruzov kifayət qədər maraqlı fikir söyləyib. Belə ki, o, "oğru-quldur, bandit” olanları yox, məhz yuxarıda sadalanan nazirlərə işarə edərək, onların qorunmalı olduğunu bildirib: "Digərləri də hörmətli Əli müəllim Nağıyevə müraciətlər etməlidir. Adın keçir, müraciət elə!... Bir daha bildirirəm ki, biz öz nazirlərimizi - müəyyən nazirlərimizi, mən oğru-quldur, banditi demirəm - qorumalıyıq!”

Görəsən, Siyavuş Novruzov "Prezidentin işlərini öz adına yazan”, "şou göstərən”, hətta "oğru-quldur, bandit” deyərkən kimləri nəzərdə tutur və niyə konkret ad çəkmir? Bu ifadələrin ünvanı müəmma olaraq qalır. Nəzərə alsaq ki, YAP sözçüsü öz açıqlamasında Xarici İşlər, Müdafiə, Daxili İşlər və Fövqəladə Hallar Nazirliklərini müdafiə və təqdir edir, deməli belə çıxır ki, sadaladığı digər "keyfiyyətlərə” malik şəxsləri yerdə qalan nazirlik və komitələrin başında olanlar arasında axtarmaq lazımdır...

OXŞAR XƏBƏRLƏR

Prezidentdən daha bir şad xəbər - ONLARIN MAAŞINI DÖVLƏT VERƏCƏK

"Hesab edirəm ki, bu genişmiqyaslı iqtisadi və sosial paket həm iqtisadi sahədə artan dinamikaya müsbət təsir göstərəcək, eyni zamanda, həssas təbəqəyə aid olan...

Prezidentin köməkçisindən vacib açıqlama: Azərbaycanda həyəcan siqnalı...- VİDEO

"Dünyada yayılmış koronavirus (COVİD-19) pandemiyası ilə mübarizədə müxtəlif ölkələrin təcrübəsini nəzərə alaraq, əhalinin sağlamlığının qorunmasını ali məqsəd ...

Paşinyandan aprel döyüşləri ilə bağlı SENSASİON SÖZLƏR: “Bunu Rusiya başlatdı, məqsədi…”

  Ermənistanın "Fakt” qazeti ölkə parlamentində fəaliyyət göstərən və Aprel döyüşlərində Ermənistan ordusunun məğlubiyyətini araşdıran dövlət komissiyasın...

Elman Nəsirovdan gülməli açıqlama: "Dərsindən 3 alanlar potensial terrorçulardır..."

  "2 qiymətlə oxuyan gənclər totalitar, avtoritar cəmiyyətlərin nümayəndələri olur və belə cəmiyyətlərdə terrorizm, radikalizm üçün real şərait olmur". D...

YAP-ın gənclər təşkilatının sədri seçicilərlə görüşə helikopterlə gəldi - FOTO

  Yeni Azərbaycan Partiyası (YAP) Gənclər Birliyinin sədri Seymur Orucov seçicilərlə görüşə helikopterlə gedib.   Sfera.az modern.az...

“Elçiliyə getmək üçün diplomu var, yoxsa yox?” - Prezident

  "Mən də müəllim olmuşam. İnstitutu bitirəndə mən bir xarici ölkəyə təyinat aldım, ancaq ondan imtina etdim, xaricə getmək istəmədim. Qaldım institutda, ...