Cəmiyyətdə pensiya yaşı və əlilliklə bağlı hüquqlar ən çox müzakirə olunan mövzulardan biridir. Xüsusilə, sağlamlıq imkanları məhdud olan şəxslərin hansı yaşda və hansı əsaslarla pensiyaya çıxa bilməsi ilə bağlı suallar tez-tez gündəmə gəlir. Mövzu ətrafında dolaşan ziddiyyətli fikirlər isə bəzən vətəndaşları çaşqın vəziyyətdə qoyur.

Sfera.az xəbər verir ki,məsələyə hüquqi çərçivədən baxdıqda aydın olur ki, birinci qrup əlilliyi olan şəxslər üçün pensiya yaşı ümumi qaydada müəyyən edilmir.

Yəni, belə şəxslər üçün əsas meyar yaş deyil, əlillik statusudur. Hazırda qanunvericiliyə əsasən, qadın və kişi üçün pensiya yaşının 65-ə bərabərləşdirilməsi birinci qrup əlilliyi olan şəxslərə şamil edilmir.

Əgər vətəndaş birinci qrup əlil kimi tanınıbsa, o, yaş həddinə çatmadan əlilliyə görə əmək pensiyası almaq hüququna malikdir.

Bu halda “65 yaşına çatıb-çatmaması” məsələsi hüquqi baxımdan həlledici sayılmır. Çünki birinci qrup əlillik artıq şəxsin əmək qabiliyyətinin tam məhdudlaşdığını təsdiqləyən statusdur. Digər tərəfdən, sağlamlıq imkanları məhdud olan şəxsə qulluq edilməsi dövrü də xüsusi hallarda əmək stajına daxil edilə bilər. Lakin bu, yalnız qanunvericilikdə nəzərdə tutulan şərtlər daxilində mümkündür və avtomatik xarakter daşımır. Hər bir halda məsələ fərdi qaydada qiymətləndirilir.

Beləliklə, birinci qrup əlilliyi olan 53 yaşlı şəxsin pensiya hüququ yaş amilinə görə deyil, mövcud əlillik statusuna və sənədləşməyə əsasən müəyyən edilir. Bu səbəbdən də “65 yaşına çatdıqdan sonra pensiyaya çıxmaq” tələbi bu kateqoriyaya aid edilmir və istisna hesab olunur. (Oxu24.com)

Bu şəxslər pensiyaya daha tez ÇIXMALIDIR: 65 yaşı gözləməli deyillər