“Oğlumla yollarımız ayrıldı…” - Eldar Sabiroğlu

“Oğlumla yollarımız ayrıldı…” -  Eldar Sabiroğlu

Müdafiə Nazirliyi mətbuat xidmətinin keçmiş rəhbəri, eks-millət vəkili Eldar Sabiroğlunun prokurorluq orqanlarından istefa verən oğlu Rüfət Səfərovun səhhəti gündən-günə pisləşir.

Sfera.az xəbər verir ki, bu barədə müsavat.com-a onun həyat yoldaşı Nuray Səfərova məlumat verib. 2 gündür aclıq aksiyası keçirən R.Səfərovun təzyiqi aşağı düşüb, halı pisləşib. O, artıq danışa və yeriyə, eləcə də telefon zənglərinə cavab verə bilmir.

Onun sözlərinə görə, davamlı olaraq həkim müayinəsindən keçən həyat yoldaşının durumu get-gedə pisləşir. Bu axşam R.Səfərovun atası Eldar Sabiroğlu və nənəsi ona baş çəkmək üçün Zərdabda olacaqlar:

“Artıq yoldadılar. Rüfəti aclıq aksiyasını dayandırması üçün razı salmağa cəhd edəcəklər”.

R.Səfərovun bibisi isə açıqlamasında bildirib ki, ondan aclığını dayandırması üçün bütün gün xahiş edib, dilə tutsalar da, buna müvəffəq ola bilməyiblər.

Günün sonunda isə Eldar Sabiroğlu “Yeni Müsavat”a açıqlamasında bildirib ki, R.Səfərov qoca nənəsini eşidib və aclığı dayandırıb.

E.Sabiroğlu isə azpolitika.info-ya yolladığı yazılı müraciətində oğlu ilə yollarını ayırdığını bəyan edib. Müraciəti nəzərinizə çatdırırıq:

“Bütün hallarda ağır bir işdir. Lakin bu, ata-oğul münasibətləri anlamında başa düşülməməlidir, o, bu gün də mənim övladımdır, özü də çox istəkli övladımdır. Həyatım ona qurbandır! Onun dünyagörüşü, zəngin biliyi, yüksək mədəniyyəti, intellekti, rəhmdilliyi, haqsızlığa dözümsüzlüyü ilə fəxr edirdim. İndi də bu məhəbbətim, oğluma olan arzularım sonsuzdur. O, mənim işığımı yandıracaq, ocağımı alovlandıracaq yeganə oğuldur. Allah qıymasın!

Artıq olan olub, keçən keçib. Rüfət gərək elə etməyəydi. Axı eyni əqidənin sahibi idik. Birdən-birə nə baş verir, mənim üçün anlaşılmazdır. Ancaq haqq budur ki, artıq o, yolunu dəyişdi – başqa istiqamət götürdü. Beləliklə, əqidəcə yollarımız ayrıldı. Özünün bəyan etdiyi kimi. Bundan sonra o başqa bir yolla, mən isə 20-25 il bağlı olduğum və zaman-zaman ədalətsizliklərə məruz qalsam da, peşimançılığını çəkmədiyim Heydər Əliyev yolu ilə getməyə davam edəcəm. Rüfətlə siyasi baxışlarımızın tam dəyişdiyi qənaətindəyəm. Kaş ki, belə olmayaydı. Amma zaman ata ilə balanı üz-üzə qoydu. Bundan ağır, bundan dəhşətli bir şey təsəvvür etmək çətindir. Heç kimə də belə bir həyat arzulamıram.

Rüfət yetkin insandır, onun siyasi seçimi ilə bağlı KİV-in özü ilə əlaqə saxlamalarını xahiş edərdim. Bir ata kimi indiyəcən nə fikirlərim, məsləhətlərim var idi, hamısını mətbuatda bölüşdüm. Sizlərin məni düzgün başa düşmənizi rica edərdim”.

Bu arada N.Səfərova bildirib ki, artıq yoldaşından yoxlama üçün yoldaşından alınan şəxsi noutbuku onun özünə qaytarılıb.

“Bəs yoxlamanın nəticəsi barədə sizə bir şey deyildimi?” sualına cavabda müsahibimiz bu barədə heç bir məlumatı olmadığını dedi: “Rüfət düzəlsin, özü sizə məlumat verər. Mənim nəsə deyəcək qədər məlumatım yoxdur”.


OXŞAR XƏBƏRLƏR

Dəfninə 3 sevgilisi gələn, dəfələrlə həbs olunan Nazim Hikmətin HƏYATI - VİDEO

"Aydın tarix" verilişinin yeni buraxılışı ictimai xadim, istedadlı şair və dramaturq Nazim Hikmətə həsr olunub.   Proqramda Nazim Hikmətin ...

Tramp: Maskın ağlını itirməsini görmək məni kədərləndirir

ABŞ prezidenti Donald Tramp iş adamı İlon Maskın "ağlını itirməsini" müşahidə etməkdən kədərləndiyini bildirib.   Sfera.az-ın məlumatı...

Bu gün bu ərazilərdə işıq olmayacaq

Biləsuvar və Cəlilabadda təmir işləri ilə əlaqədar elektrik enerjisinin verilişində fasilə yaranacaq.   Sfera.az xəbər verir ki, Cənub Regional Enerj...

Bu gün hava necə olacaq? - PROQNOZ

İyulun 7-də Bakıda və Abşeron yarımadasında hava şəraitinin əsasən yağmursuz keçəcəyi gözlənilir. Lakin 6-dan 7-nə keçən gecə və səhər bəzi yerlərdə qısamüddətl...

Çimnaz Sultanovanın xəstəxanada çəkilən görüntüləri yayıldı - VİDEO

Mərhum aktrisa Çimnaz Sultanovanın xəstəxanada çəkilən görüntüləri yayılıb.   Sfera.az xəbər verir ki, aktrisa Milli Onkologiya Mərkəzində müalicə al...

Beyləqanda hündürlükdən yıxılan usta VƏFAT ETDİ

Beyləqanda bir müddət əvvəl restoranda təmir işləri aparan zaman hündürlükdən yıxılan ustalardan biri ölüb, digərinin vəziyyəti ağırdır.   Sfera.az&n...