“Oğlum qız qaçırtdığı kəndə getdi, 10 nəfər tərəfindən öldürüldü” - FOTO

“Oğlum qız qaçırtdığı kəndə getdi, 10 nəfər tərəfindən öldürüldü” - FOTO
Ağsuya qonaq gedən və bıçaqlanaraq öldürülən 29 yaşlı Məmmədkərim Dərgahlının atası onun əvvəlcə 10 nəfər tərəfindən döyüldüyünü iddia edib.

Sfera.az xəbər verir ki, Sabirabad rayonunun Balvar kənd sakini Kərim Dərgahov "Kriminalqafqaz”a müraciət edərək oğlunun qətli ilə bağlı istintaqı aparan Ağsu Rayon Prokurorluğundan şikayətçi olduğunu bildirib.

O qeyd edib ki, oğlu Məmmədkərim hadisədən təxminən 3 ay əvvəl Ağsunun Padarqışlaq kəndindən qız qaçırıb: "Həmin vaxt müstəntiq gəlib izahat da aldı, qız öz istəyi ilə gəldiyini dedi. Bundan sonra ara sakitləşmişdi, amma kimsə plan qurub ki, oğlum o kəndə gedəndə qətlə yetirsinlər. Toy edəcəkdik, qohumlarımızda yas var idi deyə toyu ilin sonuna saxlamışdıq. Amma edə bilmədik”.

K.Dərgahov bildirir ki, oğlu dekabrın 13-də Ağsuya əmisigilə qonaq gedib: "Axşam saat 8-9 radələrində orada 10 nəfər oğlumu döyüb. Daha sonra bir neçə nəfər onun əl-qolundan tutublar və müqavimət göstərə bilməməyindən istifadə edərək bıçaqlayıblar. Həmin şəxslər qızın qohumlarıdır. Qız da indi elə bizimlə birlikdə yaşayır, evlərinə qayıtmadı”.

Mərhumun atasının sözlərinə görə, Ağsu Rayon Prokurorluğu oğlunun ölümündə günahkar olan 10 nəfərdən sadəcə birini məsuliyyətə cəlb edib: "Qalan 9 nəfər azadlıqdadır, amma onlar da həbs edilməli idi. Ağsu Rayon Prokurorluğuna getməkdən artıq bezmişəm. Həmin işi aparan Kamran Ağayev bu cinayətkar dəstəni qoruyur. Onları sudan quru çıxarmaq istəyir. Mən narazılıq edəndə deyir ki, "hara istəyirsən, şikayət et”. Ağsu rayon prokuroru Rəşad Mansurovla Kamran Ağayev əlbir olub bu işi ört-basdır etmək istəyirlər”.

Baş Prokurorluğun Mətbuat xidmətindən "Kriminalqafqaz”ın sorğusuna cavab olaraq bildirilib ki, 13 dekabr 2021-ci ildə Ağsu rayonu ərazisində Məmmədkərim Dərgahlının qəsdən öldürülməsi faktı ilə bağlı rayon prokurorluğunda Cinayət Məcəlləsinin 120.1-ci maddəsi ilə cinayət işi başlanıb: "Orxan Qaçayev təqsirləndirilən şəxs qismində istintaqa cəlb edilərək barəsində məhkəmənin qərarı ilə həbs qətimkan tədbiri seçilib.

Zərərçəkmişin qohumu ifadəsində cinayətin törədilməsində Qaçayev Orxan Gülxan oğlunun qohumlarının da iştirak etdiyini bildirib. Bu səbəbdən ifadəsində göstərdiyi şəxslərin həmin cinayət hadisəsində iştirak edib-etməmələrini müəyyən etmək məqsədilə bütün lazımi istintaq hərəkətləri yerinə yetirilməklə yanaşı müvafiq ekspertizalar da təyin edilib.

İstintaqın hazırkı mərhələsində həmin cinayətin Qaçayev Orxan Gülxan oğlu tərəfindən törədilməsi müəyyən edilib. Hazırda Ağsu Rayon Prokurorluğunda cinayət işi üzrə ibtidai istintaqın aparılması davam etdirilir”.
Sehliyali
Turan Bank

OXŞAR XƏBƏRLƏR

Bakıda qanunsuz parklanmaya görə daha 175 şəxs cərimələndi - FOTOLAR + VİDEO

Sabunçu və Binəqədi rayonlarında qanunsuz parklanma ilə əlaqədar bu gün keçirilən reydlər zamanı 175 nəfər cərimələnib. Bu barədə Sfera.az-a Daxili İşlər ...

Sərxoş halda maşın sürən bacanaqlar saxlanıldı - FOTO

Şəki Şəhər Rayon Polis Şöbəsinin Dövlət Yol Polisi Bölməsinin əməkdaşları hərəkətin təhlükəsizliyinin təmini məqsədilə şəhər ərazisində keçirdikləri nəzarət təd...

Siyəzəndə ata və oğul dəmir yolundan oğurluq etdi - FOTOLAR

Siyəzən rayonunda ata və oğul dəmir yolundan oğurluq edib. Bu barədə Sfera.az-a Daxili İşlər Nazirliyinin Mətbuat Xidmətinin Quba regional qrupundan məlum...

Bakıda əlvan metal qəbulu məntəqəsinin sahibi saxlanıldı - VİDEO

Xəzər rayonu Buzovna-Zaqulba yolunun kənarında yerləşən yağış sularının axıdılması üçün nəzərdə tutulan 136 ədəd dəmir barmaqlıqlar 1-5 yanvar tarixləri arasınd...

Abşeronda qadını qətlə yetirərək yol kənarına atan şəxslərdən biri saxlanıldı - FOTOLAR + VİDEO

Abşeron rayonunda 9 gün əvvəl qadını qətlə yetirərək yol kənarına atan şəxslərdən biri saxlanılıb. Bu barədə Sfera.az-a Daxili İşlər Nazirliyinin (DİN) Mə...

Qaz sayğacını satmaq istəyən şəxs saxlanıldı - FOTOLAR

"Tap.az-da hər şeyə rast gəlmişdik, bircə qaz sayğacından savayı. Əfsuslar olsun ki, bunu da gördük. Belə ki, yanvarın 18-də sözügedən saytda "Azəriqaz” İstehsa...