Nüfuzlu təhsil eksperti: Azərbaycan bir çox türk universitetlərinin diplomunu tanımamalıdır

Nüfuzlu təhsil eksperti: Azərbaycan bir çox türk universitetlərinin diplomunu tanımamalıdır
Azərbaycanın bəzi ali məktəblərinin diplomlarının Türkiyə Yüksək Öyrətim Kurulu (YÖK) tərəfindən tanınmaması barədə informasiyalar ciddi müzakirələrə səbəb olub. Təhsil üzrə ekspert Kamran Əsədov bu barədə Sfera.az-a açıqlamasında bildirib ki, əslində YÖK Azərbaycanda fəaliyyət göstərən bütün ali təhsil müəssisələrini tanımır. Yəni 51 universitetimizin 40-a yaxını YÖK-ün tanıdığı universitetlər siyahısında yoxdur:
 
"Türkiyədə 15 min azərbaycanlı gənc təhsil alır. Azərbaycanda isə təhsil alan 5124 əcnəbi tələbədən 2754-ü Türkiyə vətəndaşıdır. Ölkəmizin ali təhsil müəssisələrində bakalavriat təhsil səviyyəsi üzrə 2050 nəfər, magistratura səviyyəsi üzrə 176, doktorantura səviyyəsi üzrə 104 Türkiyə vətəndaşı təhsil alır. Qalanlar dil kursları, qısamüddətli mübadilə proqramları çərçivəsində Azərbaycanın ali məktəblərində təhsil almaqdadırlar. Türk vətəndaşları özəl yox, hətta ən nüfuzlu Azərbaycanın dövlət universitetini bitirib öz ölkəsinə gedəndə diplomunun tanınması ilə bağlı ciddi problemlər yaşayırlar”. Kamran bəyin sözlərinə görə YÖK ilə 3 gündür aparılır, amma hələ ki heç bir məlumat yoxdur. Aprel ayından başlayaraq ancaq şifahi məlumatlar verilir: "Deyək ki, YÖK hansısa Azərbaycan Universitetinin diplomunu tanımır və öz ölkəsində təhsil almasını istəmir. Nə olacaq? Heçnə! O şəxs də Avropa və Amerikada başqa ölkədə təhsilini davam etdirməyə gedəcək. Türkiyə yüzlərlə tələbəni itirəcək, Avropa, Amerika isə qazanacaq”.
 
Ekspert qeyd edib ki, Türkiyə prezidenti Rəcəb Tayyib Ərdoğan yaxın illər üçün ölkəsinə gələcək xarici tələbələrin sayının 250 min olmasını hədəfləyib, amma görünən odur ki, YÖK bu siyasətə mane olmaq istəyir: "Azərbaycan tələbəsi magistr, doktorantura təhsilini Türkiyədə yox, başqa ölkələrdə davam etdirəcək və nəticədə onlar itirəcək. YÖK Azərbaycan Universitetləri ilə bağlı, onların tanınmaması ilə bağlı mütəmadi siyahı tərtib edir və hər 6 ayda və o siyahıya öz istəyinə uyğun olaraq artırma və azaltma edir, kimisə daxil edir, kimisə çıxarır və bu sirli bir siyasətə əsaslanır. Belə yanaşma tərzi doğru deyil”. Kamran Əsədov təklif edir ki, Türkiyənin bu addımına qarşı Azərbaycan tərəfi də adekvat addımlar atmalıdır: "Nə qədər Azərbaycan universitetinə əngəl törədilirsə, O qədər də Türkiyə universiteti əngəllənməlidir və qardaşlarımız anlamalıdır ki, biz müstəqil ölkəyik bə bizə üstdən aşağı baxmaq olmaz. Bəlkə bizim də Türkiyənin dövlət və özəl universitetlərinin diplomlarının tanınması ilə bağlı əməli addım atmağımıza ehtiyac var?” Eskpert sonda onu qeyd edib ki, Azərbaycan universitetlərində vəziyyətin necə olduğunu hər halda Azərbaycan dövləti və Azərbaycan təhlükəsizlik orqanları daha yaxşı bilir və nəzarətdə saxlayır: "Buna görə də istər YÖK, istərsə də hər hansı başqa ölkənin təşkilatı Azərbaycan universitetlərini ittiham edirsə buna reaksiya vermək lazımdır. Bir-birimizi didib parçalamaq əvəzinə hamılıqla haqq-ədalətə nail olmaq və hətta məhkəmələrə müraciət etməyə çəkinməmək lazımdır. Çünki hər hansı şübhə vəya ittihama görə on minlərlə tələbə və məzunu olan qurumları sual altına almaq yolverilməzdir”.
 
Rəşad

OXŞAR XƏBƏRLƏR

DİM sədri: “İlkin nəticələrə görə universitetlərə qəbul planı 88 faiz dolub”

  "Bu il ali məktəblərə qəbulolma faizi ilkin nəticələrə əsasən 88 % təşkil edib”. Sfera.az xəbər verir ki, bunu Dövlət İmtahan Mərkəzinin Direktorl...

BDU rektoru "üsyan" etdi: "Universitetdə mənə müqavimət göstərənlər var"

"Son aylar ərzində Bakı Dövlət Universitetində (BDU) edilən dəyişiklikləri hamı birmənalı qarşılamır. Hətta buna açıq şəkildə müqavimət göstərənlər də var". ...

“Bu özəl sektorun inkişafına maneədir” – Akkreditasiya üçün rüsumların artımına etiraz

  Ölkədə intelekt problemi yaranacaq və bu rüsumlarla nə təhsilin əhatə dairəsi genişlənməyəcək, nə də əlçatanlıq təmin olunmayacaq” Sfera.az-a açıqla...

Uje", "davay", "neujeli" sözlərindən istifadə edən müəllimlər təlimlərə cəlb olunacaq

AMEA-nın Dilçilik İnstitutu Azərbaycan dilində əcnəbi sözlərə üstünlük verilməsinin qarşısının alınması üçün uşaq bağçası, orta və ali təhsil müəssisələrində ça...

Direktora cinayət işi açıldı - Elinanın intiharı ilə bağlı

  162 saylı orta məktəbdə intihar edən Elina Hacıyevanın ölümü ilə bağlı məktəbin direktoru Sevinc Abbasova cinayət məsuliyyətinə cəlb edilib.   ...

İstək olsa həll edərlər-tələbə yataqxanaları problemini

"Universitetlər təhsilin keyfiyyəti, infrastrukturun formalaşmasında maraqlı deyillər. Bu fonda onlar universitet yataqxanalarının olmasını da istəmirlər” ...