Nino Burcanadze: “Ən gözəl nümunə cənab İlham Əliyevin siyasətidir” – VİDEO

Nino Burcanadze: “Ən gözəl nümunə cənab İlham Əliyevin siyasətidir” – VİDEO
Gürcüstanın eks spikeri Nino Burcanadze Rusiyanın Cənubi Qafqazdakı siyasətini qəliz adlandırıb. Onun fikrincə, ruslar özlərinə sərfəli saydıqları siyasəti yürüdürlər.

Sfera.az bildirir ki, Bizim.Media-ya özəl açıqlamasında gürcü siyasətçi müxtəlif məsələlərə toxunub bə bildirib ki, Kremlin başqa ölkənin dərdini çəkdiyini düşünmək sadəlövhlük olar.

Həmçinin region ölkələrinə sərf edənləri də reallaşdırmaqları ağılabatan deyil:

"Amma düzgün siyasət apardıqda kəsişmə nöqtələri tapmaq mümkündür. Həmin nöqtələrdə maraqlar toqquşa və üst-üstə düşə bilər. Ən gözəl nümunə Azərbaycan və cənab İlham Əliyevin siyasətidir. Yəni, çətin duruma baxmayaraq Rusiya ilə hansısa istiqamətdə münasibətləri nizamlamaq olar”. 

Ermənistanla Azərbaycan arasındakı sülh prosesi barədə nə demək olar?

"Ümid edirəm ki, vəziyyət doğrudan da sülhə doğru irəliləyər. Çünki Qafqazın sülh şəraitində inkişafı hər bir dövlət üçün əhəmiyyətlidir. Hazırda İrəvanla Bakı arasında danışıqlar gedir. Ölən insanların cəsədləri qaytarılır. Ermənilər də bəzi rayonların mina xəritələrini təhvil verib. Bu iki dövlət barışıq və əməkdaşlıq yolunu tapsa sözügedən irəliləyiş, nəinki Ermənistan və Azərbaycana, həm də bütün Qafqaza müsbət təsir göstərəcək. Hər iki dövlətlə Gürcüstanın yaxşı əlaqələri var, amma anlaşılmazlıq, mübahisəsiz Qafqaz daha yaxşı olardı. İqtisadi planda da önəmlidir. Bilirəm ki, Bakı İrəvanı iqnor etməyən layihələrdə də maraqlıdır”. 

Azərbaycan Qarabağı işğal edən Ermənistamn və bu zəbtə dolayısı ilə dəstək olan iki dövlətlə "3+3” formatında iş birliyinə hazırdır. Sizcə, Bakı səhv edir?

"Əvvəla qonşu ölkənin qərarını mühakimə etmək mənim işim deyil. Amma risk edib deyəcəm ki, Azərbaycan doğru yöndə addımlayır. Prezident İlham Əliyevin hamıyla danışmaq qərarı da düzgündür”. 

Cənubi Qafqazı bu düşdüyü durumdan nə xilas edə bilər?

"Cənubi Qafqazın xilas olacaq qədər pis durumda olduğunu sanmıram. Vəziyyəti yaxşılaşdırmaq üçün isə hər 3 dövlətin ölçüb-biçilmiş siyasət aparması önəmlidir. Dövlətlər öz maraqlarını düşünməklə yanaşı, müəyyən sağlam güzəştlərə də hazır olmalıdırlar”. 
 


OXŞAR XƏBƏRLƏR

“Kurtlar Vadisi Pusu”nun aktyoru vəfat etdi

Türkiyənin məşhur “Kurtlar Vadisi Pusu” serialında “Cevat Akarsu” obrazı ilə tanınan aktyor Şekip Taşpınar dünyasını dəyişib.   ...

Azərbaycanda ipoteka predmetinin satışı qaydası dəyişir

Azərbaycanda tərəflərin notariat qaydasında təsdiqlənmiş razılaşması əsasında məhkəməyə müraciət edilmədən tutma yönəldilən ipoteka predmeti satılarkən satış üs...

Daha bir azərbaycanlı ailə Rusiyadan deportasiya edildi

Rusiyanın Sankt-Peterburq şəhərində polis Nevski rayonunda yeniyetmələr arasında baş vermiş münaqişənin daha bir iştirakçısını - 15 yaşlı Azərbaycan vətəndaşını...

Leyla Əliyevanın doğum günüdür

Heydər Əliyev Fondunun vitse-prezidenti, "Xocalıya Ədalət" kampaniyasının təşəbbüskarı, BMT-nin Ərzaq və Kənd Təsərrüfatı Təşkilatının (FAO) xoşməraml...

Prezident Mirziyoyevlə görüşündən paylaşım etdi - VİDEO

Azərbaycan Prezidenti İlham Əliyev sosial şəbəkə hesabında ölkəmizdə dövlət səfərində olan Özbəkistan Prezidenti Şavkat Mirziyoyevlə görüşü ilə bağlı paylaşım e...

Qarabağ suvarma kanalınında batan yeniyetmənin meyiti tapıldı

Ötən gün Qarabağ suvarma kanalının Ağcabədi rayonu, Salmanbəyli kəndindən keçən hissəsində 1 nəfərin batması barədə daxil olmuş məlumat əsasında FHN-in Kiçikhəc...