Hakimin 29 toyuğu bərabər bölmək məsləhəti gündəm oldu

Çinin Siçuan əyalətində yaşayan cütlük boşanmaq üçün ərizə verib. Boşanma zamanı hakimin verdiyi qərar isə həm gündəm olub, həm də hər kəsi güldürüb. Belə ki, bu proses zamanı tərəflərin diqqəti əsas gəlir mənbəyi olan quşçuluğa keçib.

Sfera.az bildirir ki, məhkəmə zamanı cütlüyün 29 toyuq, 22 qaz və 2 ördək olmaqla 53 quşu olduğu məlum olub. Qazlar və ördəklər bərabər bölünə bildiyi halda, toyuqlar mübahisə obyektinə çevrilib. 

Çin qanunlarına görə, ər və arvadın nikah zamanı əldə etdikləri əmlak müştərək mülkiyyət sayılır, ona görə də hər iki tərəf onu bərabər şəkildə bölmək hüququna malikdir.

Qadın məhkəmədə toyuqları özü böyütdüyünü və onlara emosional bağlı olduğunu, ona görə də başqa toyuqlara da layiq olduğunu iddia edib. Əri bununla razılaşmayaraq bildirib ki, o da heyvanlara qulluq etmək üçün çox vaxt və səy sərf edib.

Hər iki tərəfi dinləyən hakim münaqişənin həlli üçün möhtəşəm variant təklif edib: onlara quş dəstəsini bərabər bölüb, yerdə qalan artıq quşu vida yeməyi kimi yeməyi tövsiyə edib.

Sonda cütlük boşanmazdan əvvəl toyuğu bişirib "vida yeməyi" kimi birlikdə yeməyə razılaşıblar.

Eyni zamanda bu əhvalat sosial şəbəkələrdə gülüş yaradıb. İstifadəçilərdən biri etiraf edib ki, hakim ədalətli qərar təklif edib, lakin bu işdə toyuq yeganə qurban olub.

Aynil