Son aylarda dəyəri düşən neftin qiyməti Putin-Tramp sammitindən sonra bir qədər yüksəlmişdi. Xatırladaq ki, Putinlə görüşdən sonra keçirilən mətbuat konfransında Tramp əhəmiyyətli irəliləyiş əldə etdiklərini, lakin yekun razılığa gələ bilmədiklərini bildirmişdi. Həmin mətbuat konfransında Putin isə qeyd etmişdi ki, Trampla əldə etdiyi anlaşma məqsədə çatmağa və Ukraynada sülhün əldə olunmasına gətirib çıxaracağına ümid edir.
Lakin Zelenski və Avropa liderləri ilk açıqlamalarında Putinin təklifini qəbul etmədiklərini bəyana ediblər. Bu mövqe nefti yenidən ucuzlaşdırır.
Sfera.az xəbər verir ki, bu gün Zelenski Vaşinqtonda Trampla görüşəcək.
Tramp qeyd edib ki, Ukrayna tərəfi Rusiyanın təklifini qəbul etsə müharibə bitəcək. Amma ilkin reaksiyalar göstərir ki, bu dəfə də Putinin təklifləri qəbul edilməyəcək.
Artıq birjalar da bu görüşə fokuslanıb. Analitiklər deyirlər ki, birjalarda danışıqların heç bir nəticə verməyəcəyi ilə bağlı gözləntilər üstünlük təşkil edir.
Birjalarda qənaət belədir ki, əgər bu görüşdən də istənilən nəticə çıxmasa ABŞ Rusiyanın mövqeyinə yumşalmağa çalışacaq. Bu məqsədlə neft qiymətlərinin aşağı salınmasına cəhd ediləcək. Bunun üçün ABŞ-nin təzyiqlərinin artacağı gözlənilir. Belə ki, həm ABŞ özü hasilatı artıracaq, həm də Yaxın Şərq tərəfdaşlarından hasilatın artırılmasınə istəyəcək.
Bu halda neft bolluğu yaranacaq və bu "qara qızıl"ın ucuzlaşmasını qaçınılmaz edəcək.
Altay