Neftin qiyməti kəskin düşdü
22:42 / 06.03.2020
2648
Koronavirus dünya iqtisadiyyatına böyük təsir göstərir. Qərb valyutaları dəyər qazanır. Əvəzində neftin qiyməti düşür.
Sfera.az xəbər verir ki, bu gün qiymətlərdə təxminən 9 faiz enmə müşahidə olunub. Brent markalı neft günə 49,99 ilə başlasa da, indi 1 barrelin dəyəri 46 dollar civarındadır. Gün ərzində hətta 45,29 göstəricisi də qeydə alınıb.
Təbii ki, WTI ümumi prosesdən kənarda qalmayıb. Bu markanın 1 barrelinin qiyməti 42 dollardan bir az çoxdur.
Neftin qiymətinin kəskin düşəcəyini OPEK və OPEK+ üzvlərinin ortaq məxrəcə gəlməməsindən sonra proqnozlaşdırmaq olardı. Mütəxəssislər 40 dollar psixoloji həddinin aşılacağını da gözləyir.
