No Image
No Image
No Image

“Neftçi”nin baş məşqçisi: “Komandam bu gün yaxşı oynamadı”

“Neftçi”nin baş məşqçisi: “Komandam bu gün yaxşı oynamadı”
"Nə qədər çalışsaq da, komandanı oyuna istədiyimiz kimi kökləyə bilmədik. Rəqib bizdən daha istəkli idi. Bu, meydanda da görünürdü. Çox top itkilərimiz olurdu. Yaxşı hazırlaşa bilməmişdik. Qalib gəlmək istəsək də, alınmadı”.

"Report”un məlumatına görə, bunu "Neftçi”nin baş məşqçisi Füzuli Məmmədov Azərbaycan Premyer Liqasının IV turunda evdə "Qəbələ” ilə 1:1 hesablı heç-heçə etdikləri oyundan sonra keçirilən mətbuat konfransında deyib.

43 yaşlı mütəxəssis bildirib ki, komandası son dəqiqələrdə qol vurub məğlubiyyətdən qaçmaq istəyirdi: "Uduzmaq istəmirdik. Hətta qalib gəlmək üçün meydana çıxmışdıq. Amma vaxt çatmadı. Yenə deyirəm, komandam yaxşı oynamadı”.

O, müdafiəçi Anton Krivotsyukun çıxışına da toxunub: "Anton pis oyunçu deyil. Düzdür, çox səhvlər etdi. Amma yaxşı futbolçudur. Gərək, özü də məsuliyyətli olsun. Çünki uşaq deyil. Zəif oynayacaq, ehtiyatda qalacaq”.

Baş məşqçi Prins İbaranın əvəzlənməsinin səbəbini açıqlayıb: "İbara yorulmuşdu. Hələ tam formasını yığmayıb. İki hücumçu ilə oynaya bilərdik. Amma belədə məğlub da ola bilərdik. Futbolçular oyuna daha yaxşı hazılaşmalıdırlar”.

Məmmədov bərabərlik qolunun müəllifi olan Samir Buqrinin qarşıdakı matçlarda meydana start heyətində çıxa biləcəyini istisna etməyib: "Məşqlərinə baxacağıq. Son matçlarda zəif oynamışdı. Belə davam etsə, start heyətində meydana çıxa bilər”.

Məmmədov bildirib ki, top saxlamaq üçün keyfiyyət və praktika lazımdır: "Düşünürəm ki, oyundan-oyuna daha yaxşı çıxış edəcəyik. Məşqlərdə topla oynamağa üstünlük veririk. Amma oyun fərqlidir. İstədiyimiz alınmadı. "Şkupi” ilə matçda başqa səhvlər var idi. Bu gün meydanda komandamın topu qazanandan sonra açılmasını görə bilmədim”.

Mütəxəssisin sözlərinə görə, futbolçularda psixoloji hazırlığı yüksəltmək üçün çox çalışırlar: "Onlar uşaq deyillər. Özlərini oyuna hazırlamalıdırlar. İstək olmayanda, bədən də oyuna hazır olmur”.

Məmmədov belə zamanlarda futbolçuların yanında olmağın vacibliyini vurğulayıb: "Bu gün qələbə qazanmaqla turnir cədvəlində lider ola bilərdik. Bunu futbolçulara da demişdik. Sadəcə, tam köklənə bilmədilər. Oyunlar mübarizə şəraitində keçir. Kim daha yaxşı mübarizə aparsa, o da qələbə qazana biləcək. Cəza versək, bu, oyunçuların ziytanına ola bilər. Oyunları analiz edirik, səhvlərini göstəririk, amma meydanda səhvlər edirik”.

OXŞAR XƏBƏRLƏR

"Real Madrid" "Şaxtyor"a məğlub oldu

Oktyabrın 21-də futbol üzrə UEFA Çempionlar Liqasının qrup mərhələsinin növbəti oyunları keçirilib. Sfera.az xəbər verir ki, turun ikinci oyun günü erkən ...

Qurban Qurbanov: "Sərfəli nəticə üçün əlimizdən gələni edəcəyik"

"Rəqibimizin Çempionlar Liqasında həm Belarusun "Dinamo" (Brest), həm də Avstriyanın "Zaltsburq" komandaları ilə keçirdiyi matçları izləmişəm. Özünəməxsus oyun ...

"Barselona" 4 futbolçu ilə müqavilə yenilədi

 "Barselona" 4 futbolçusu ilə müqaviləni yeniləyib. Sfera.az xəbər verir ki, bunlar qapıçı Mark-Andre ter Ştegen, müdafiəçilər Jerar Pike ilə Klem...

“Qarabağ”ın oyunu gələn ilə təxirə salındı

Azərbaycan Premyer Liqasının V turundan təxirə salınmış "Qarabağ” – "Səbail” görüşünün keçiriləcəyi tarix müəyyənləşib. Sfera.az-ın AFFA-nın rəsmi saytına...

"Qarabağ" "Makkabi" önünə 2 itki ilə çıxacaq

"Qarabağ" komandası İsraildə "Makkabi" (Təl-Əviv) komandası ilə keçirəcəyi Avropa Liqasının I qrupunun ilk tur matçına futbolçu itkiləri ilə çıxacaq. Bu b...

Millimizin və “Qarabağ”ın ev oyunlarının Azərbaycanda keçirilməsinə qadağa qoyuldu

Azərbaycan milli komandasının və UEFA Avropa Liqasındakı təmsilçimiz "Qarabağ” klubunun ev oyunlarının alternativ ölkələrdə keçirilməsi barədə UEFA tərəfindən q...