Müzakirələrə səbəb olan imtahan qrafikləri təsdiqlənəcək? - AÇIQLAMA

Müzakirələrə səbəb olan imtahan qrafikləri təsdiqlənəcək? -  AÇIQLAMA
Tam (11 illik) orta təhsil səviyyəsi üzrə buraxılış imtahanları mart, ümumi (9 illik) orta təhsil səviyyəsi üzrə buraxılış imtahanları isə aprel ayı ərzində keçiriləcək. Bununla bağlı cəmiyyətdə sual altında qalan bəzi məsələlərin olduğu danılmazdır. Məsələn, əgər imtahanlar mart və aprel ayında keçiriləcəksə, o zaman abituriyentlər niyə iyun ayına kimi məktəbə getmək məcburiyyətində olmalıdır, bu onlara nə verir? Mart-aprel ayında imtahan verən şagird qarşıdakı aylarda keçirilməli olan dərs proqramı ilə bağlı suallar düşərsə, buna necə cavab verməlidir?
 
Mövzu ilə əlaqəli Sfera.az-a açıqlama verən təhsil eksperti Kamran Əsədov xatırladıb ki, buraxılış imtahanında - qəbul imtahanının birinci mərhələsində - abituriyentlərə tədris dili fənnindən 30, riyaziyyat fənnindən 25, xarici dil fənnindən 30 tapşırıq olmaqla, ümumilikdə 85 tapşırıq təqdim olunur. Müsahibimizin sözlərinə görə, bu mərhələdə fənlərin hər biri üzrə toplanıla biləcək maksimal bal 100-dür:    

"Bu nəticənin əldə edilməsi asan deyil. Nəzərə alsaq ki, şagirdlər imtahanda əldə etdikləri nəticələri orta məktəblərdə qazanmırlar, həmin bilik və bacarıqlara repetitor yanında, hazırlıq kurslarında yiyələnirlər, o zaman imtahanın mövcud xidmət göstərənlərin proqramı başa çatmadan, təkrar olmadan mart ayında keçirilməsi nəticələrinə ciddi təsiri olacaq.  Çünki qeyd etdiyim dərslər, məşğələlər mart ayında davam edir. Martda DİM tərəfindən keçirilməsi nəzərdə tutulan qəbul imtahanlarının birinci mərhələsinin, 11-ci sinif şagirdləri üçün buraxılış imtahanlarının keçirilməsi haqlı olaraq narazılığa səbəb olur. Bununla bağlı bəzi vacib məqamları qeyd edim.

Mart ayında keçirilməsi nəzərdə tutulan buraxılış imtahanlarında şagirdlərin 1-ci sinifdən 11-ci sinfə qədər formalaşdırılmış səriştələrinin, bacarıqlarının yoxlanılması nəzərdə tutulur. Tədris dili, riyaziyyat və xarici dil üzrə ən ümumi məqamlarla əlaqəli tapşırıqlar sual kitabçasına daxil edilir. İndiki halda mart ayının 20-nə, tətilə görə isə 25-nə qədər dərslərin olmaması həmin bacarıqların unudulmasına, yaddan çıxmasına səbəb olacaq".

Ekspert qeyd edib ki, digər tərəfdən, dərslər bu tədris ili üçün 15 sentyabrda yox, 29 sentyabrda başlayıb və pandemiya səbəbindən mütəmadi olaraq 500-dən çox məktəbdə dərslər onlayn olub, tam təşkil edilməyib:

"Bütün bunları nəzərə alsaq, 11-ci siniflər üçün mart ayındakı imtahanlar təxirə salınmalıdır. Ən yaxşı halda may ayında keçirilməlidir. 
Kurikulumun tələbinə görə şagirddə dinləmək, anlamaq, oxumaq, yazmaq, müqayisə etmək, hesablamaq və s. zəruri həyati bacarıqlar yaradılmalıdır. Həmin bacarıqlar tədris ilinin sonunda formalaşır. Yaxşı olar ki, keçirilməsi planlaşdırılan imtahanlar ən azı 6 ay əvvəldən elan olunsun. Mart ayında imtahanların keçirilməsinin elan edilməsi şagirdlərdə ciddi psixoloji gərginlik yaradıb. Amma belə başa düşülür ki, yayılan imtahan qrafikləri təsdiq olunacaq”.

Günay Rəsulqızı
Sfera.az

Sehliyali
Turan Bank

OXŞAR XƏBƏRLƏR

Müzakirələrə səbəb olan imtahan qrafikləri təsdiqlənəcək? - AÇIQLAMA

Tam (11 illik) orta təhsil səviyyəsi üzrə buraxılış imtahanları mart, ümumi (9 illik) orta təhsil səviyyəsi üzrə buraxılış imtahanları isə aprel ayı ərzində keç...

Bilik verməli olan məktəblər niyə skandallarla gündəmə gəlir? - AÇIQLAMA

Ötən gün paytaxt məktəblərinin birində şagirdin döyülmə xəbəri sosial mediada müzakirə obyektinə çevrilib. Kimi bunu tənqid etsə də, kimi vaxtikən məktəbdə çox ...

Qış tətilinin vaxtı AÇIQLANDI

Təhsil Nazirliyi məktəblilərin qış tətilinin günlərini açıqlayıb. Sfera.az bildirir ki, nazirlikdən "Report”un sorğusuna cavab olaraq bildirilib ki, Əmək ...

Emin Əmrullayev müzakirələrə səbəb olan çıxışından DANIŞDI

Təhsil naziri Emin Əmrullayev son brifinqdən sonra məktəblərdə pul yığılması məsələsi ətrafında cəmiyyətdə yaranan müzakirələrə münasibət bildirib. Sfera....

Təhsil naziri brifinq keçirir - CANLI YAYIM

Bu gün Təhsil Nazirliyinin rəhbərliyinin iştirakı ilə brifinq keçirilir.   Sfera.az xəbər verir ki, mətbuat konfransında Təhsil naziri Emin Əmrullayev ...

Məktəblərdə şagird özbaşınalığı artır – Hansı cəzalar veriləcək?

Son zamanlar məktəblərdə şagirdlərin özbaşınalığı məsələsi müzakirə obyektinə çevrilib. Müəllimlərin belə öhdəsindən gələ bilmədiyi uşaqların olduğu danılmaz fa...