Tanınmış şairə: “Yüksək vəzifəli məmurları gecə 1-in yarısı yola saldım”

- Nazilə xanım, ötən gün oğlunuzun toy məclisi keçirildi. Necə keçdi, ürəyinizcə oldumu?

- Qonaqlarla bağlı kiçik məsələlər tək Nadirin, ya da mənim başıma gələn bir şey deyil. Dəvət olunan qonaqlardan məni ən çox incidən və narahat edən bir şey oldu: yığıb soruşurdular ki, "Mənim stolumda kim var?” Elə oldu ki, cədvəli təkrarladım, pozdum təzədən yazdım ki, təki qonaqlarım razı qalsınlar. Amma mən özüm heç kimin toyunda elə hərəkət etməmişəm, çünki mən ora hamı kimi dəvətli qonağam, harda oturmuşamsa, özümü o stolun şahzadəsi kimi hiss etməliyəm. Heç maraqlı olmayıb ki, yanımda kim oturub, dost-düşmən fərq eləmir. Tanımadığım, hətta danışmadığım bir insanla belə eyni masaya salıblar, amma bunu kapriz etməmişəm. Lakin toyumda kapriz edənlər həddən artıq çox olmuşdu.

- Bəs dəvət olunanlardan gəlməyənlər oldu?

- Bəli, toya gəlməyənlər də oldu. Amma mənə lazım olan hamı ətrafımda idi. Mənə özəl toyumuza gəlib iştirak edənlər də vardı.

- Kimlər gəlmişdi? 

- Oxumağına vaxt çatdıra bilmədiyim insanlara görə çox üzüldüm. Çox istəyərdim ki, Könül Kərimovanın, Gülay Zeynallının, İbrahim Borçalının səsini eşidim. Aşıq Zülfiyyəni eşitmək istəyərdim, düzdür. Nişanda oxumuşdu, amma toyda da onu eşitmək istəyərdim. Orada çox dəyərli sənətçilər var idi. Çatdıra bilmədik, bir də baxdım ki, saat artıq 11-dir. Vaxt çata bilərdi, sadəcə, sənətçilərə deyirsən ki, bir mahnı oxu, səhnə onları o qədər alıb götürür ki, hərəsi 3-4 mahnı oxuyurdu çatdırmaq olmurdu.