Müğənni evini qarət edən qızı bağışladı - FOTO

Müğənni evini qarət edən qızı bağışladı - FOTO
Tanınmış müğənni Fuad Musayev evindən oğurluq edən şəxsi bağışlayıb. 

Sfera.az xəbər verir ki, müğənni bir neçə şəxslə əlbir olaraq evini qarət edən Səbinə Atakişiyevanı əfv edib. 

O "Maşın şou”nun canlı efirində bu haqda danışıb: Onu qadın olmasına və anasının üzr istəməsinə görə bağışlayıram. Xahiş edirəm, onu tutmayın” 

Xatırladaq ki, ötən həftə Səbail rayonu, Bayıl qəsəbəsində yaşayan estrada müğənnisi Fuad Musayevə məxsus mənzildən içərisində 1800 ABŞ dollar olan seyf oğurlanıb

Hadisə vaxtı Rusiyada olan müğənni oğurluq faktı ilə bağlı Səbail Rayon Polis İdarəsinin (RPİ) 8-ci Bolis Bölməsinə (PB) müraciət edib.

Səbail RPİ-in Cinayət Axtarış Şöbəsi və 8-ci PB əməkdaşları tərəfindən həyata keçirilən təxirəsalınmaz əməliyyat nəticəsində qeyd edilən cinayəti törətməkdə şübhəli bilinən Bakı şəhər sakinləri, əvvəllər məhkum olunmuş Kənan Nəcəfov, Ceyhun Cəbiyev və Səbinə Atakişiyeva saxlanılıblar.

Araşdırma zamanı müəyyən edilib ki, dəstə üzvü olan S.Atakişiyeva zərərçəkmiş şəxslə qonşudur. O, həmin mənzilin açarlarını ələ keçirəndən sonra digər dəstə üzvləri ilə birgə oğurluq edib.

Əvvəlcə mənzilin qapısını açan S.Atakişiyev evdə olan iti səs-küy salmaması üçün hamam otağına salıb. Daha sonra digərləri mənzili axtarmağa başlayıblar.

Dəstə üzvləri seyfi ələ keçirəndən sonra S.Atakişiyevanın evində açaraq pulu aralarında bölüblər. C.Cəbiyev isə sındırılan seyfi Hökməli qəsəbəsinə apararaq izi itirmək məqsədi ilə orada qazaraq basdırıb.

Həmin seyf polislər tərəfindən basdırıldığı yerdən çıxarılaraq maddi sübut kimi götürülüb.

Araşdırma zamanı müəyyən edilib ki, dəstə üzvü olan K.Nəcəfov əvvəllər də cinayət törətdiyinə görə məhkəmənin qanuni qüvvəyə minmiş hökmü ilə şərti məhkum edilib və o, hazırda probasiya nəzarətində cəzasını çəkir.

OXŞAR XƏBƏRLƏR

Bu gün icaze.e-gov.az portalında bir çox icazələr ləğv edilib

 "Xüsusi karantin rejiminin sərtləşdirilməsi ilə bağlı əlavə tədbirlər barədə Azərbaycan Respublikası Nazirlər Kabinetinin 2020-ci il 19 iyun tarixli 20...

Bu rayonların giriş və çıxışlarında müvəqqəti postlar quruldu - FOTOLAR

 COVID-19 virusunun yayılma sürətinin azaldılması, eləcə də onun törədə biləcəyi fəsadların minimuma endirilməsi məqsədilə 2020-ci ilin iyun ayının 5-dən s...

Azərbaycanda yüksək vəzifəyə TƏYİNAT

 Balakən Rayon Təhsil Şöbəsinin müdiri vəzifəsinə Musayev Elçin Kamal oğlu təyin olunub. Sfera.az xəbər verir ki, 1967-ci il təvəllüdlü Elçin Musayev...

Yeni dəmir yolu istifadəyə veriləcək - VİDEO

 Bildiyiniz kimi,  Abşeron Dairəvi Dəmir Yolu xətti tamamlanaraq,  istifadəyə verildi. Bu layihənin səmərəliliyi, paytaxtin nəqliyyat sisteminə a...

SON DƏQİQƏ! Azərbaycanda yüksək vəzifəli şəxs işdən çıxarıldı

Gəncə şəhər Təhsil İdarəsinin müdiri Zakir Hüseynov işdən uzaqlaşıb.  Sfera.az xəbər verir ki, bununla bağlı müvafiq sərəncamı Təhsil naziri Ceyhun B...

Daha bir məmurun Praqada şirkətləri üzə çıxdı - FOTOLAR

 Məcburi Köçkünlərin Sosial İnkişaf Fondunun Texniki Nəzarət Qruplarının işi üzrə Əlaqələndirici İdarəsinin rəisi Hacıqulu Sadıqovun Praqada şirkəti haqqın...