No Image
No Image

Milli Məclisdə İsrail səfiri ilə görüş keçirildi - FOTOLAR

Milli Məclisdə İsrail səfiri ilə görüş keçirildi - FOTOLAR
Fevralın 23-də Milli Məclisdə deputat Azay Quliyev İsrailin Azərbaycandakı səfiri Corc Dik ilə görüşüb.

Parlamentdən Sfera.az-a verilən məlumata görə, A.Quliyev qonağı salamlayaraq bildirib ki, Azərbaycan İsraillə münasibətlərin inkişafına xüsusi önəm verir. İki ölkə arasında əlaqələr yüksək səviyyədədir. Qeyd edilib ki, Azərbaycanda hər zaman bir çox xalqların nümayəndələri birlikdə sülh şəraitində yaşayıb. Ölkəmizdə İslam dini ilə yanaşı, müxtəlif dinlərə etiqad edən insanlar var.

Deputat Azərbaycanda yəhudilərə yaradılan şəraitdən bəhs edib, burada Sinaqoqların fəaliyyət göstərdiyini söyləyib.

Azərbaycan-İsrail münasibətlərinin inkişafından söz açan millət vəkili iki ölkənin xalqları arasında sıx dostluq əlaqələrinin olduğunu qeyd edib. Azərbaycanla İsrail arasında müxtəlif istiqamətlər üzrə əməkdaşlığın inkişaf etməsinin iki ölkənin maraqlarına uyğun olduğunu vurğulayıb.

Söhbət zamanı Milli Məclisdə İsraillə parlamentlərarası əlaqələr üzrə işçi qrupunun fəaliyyət göstərməsi təqdirəlayiq hal kimi qiymətləndirilib. Qeyd edilib ki, gələcəkdə deputatlarımızın qarşılı səfərləri və görüşlərin keçirilməsi iki ölkənin qanunvericilik orqanları arasında əməkdaşlığın genişləndirilməsi baxımından çox əhəmiyyətlidir.

İsrailin Azərbaycandakı səfiri Corc Dik səmimi qəbula görə təşəkkürünü ifadə edib, dövlətlərimiz və xalqlarımız arasında tarixən dostluq münasibətlərinin olduğunu, iki ölkə arasında əlaqələrin müxtəlif sahələr üzrə inkişaf etdiyini söyləyib. Diplomat Azərbaycanın müstəqillik illərində qazandığı nailiyyətləri yüksək qiymətləndirib, tolerantlıq baxımından Azərbaycanın digər dövlətlər üçün nümunə olduğunu deyib. Azərbaycanlılarla yəhudilərin hər zaman mehriban yaşadığını və bunun dostluq və qardaşlığın təzahürü olduğunu qeyd edib.

Səfir iqtisadi, turizm, kənd təsərrüfatı sahələrində əlaqələrin inkişafından, bərpa olunan enerji, yeni texnologiyaların tətbiqi ilə bağlı əməkdaşlıqdan, su ehtiyatlarının səmərəli istifadə olunmasından bəhs edib.

Görüşdə Azərbaycanın 44 günlük Vətən müharibəsində parlaq Qələbəsi, işğaldan azad olunan torpaqlarımızda bərpa və yenidənqurma işləri, yaralı əsgərlərimizin müalicəsi ilə bağlı İsrail dövlətinin dəstəyi və digər məsələlər barədə danışılıb.

Turan Bank

OXŞAR XƏBƏRLƏR

Bakının 15 küçə və prospektində sıxlıq müşahidə olunur - FOTO

Hazırda bir sıra küçə və prospektlərdə nəqliyyat vasitələrinin hərəkətində sıxlıq müşahidə olunur. Bu barədə Sfera.az-a Bakı Nəqliyyat Agneltiyindən (BNA)...

MN: Hazırda itkin düşmüş hərbçilərin sayı 28 nəfərdir

Müdafiə Nazirliyi Vətən müharibəsində itkin düşmüş şəxslərin yeni siyahısını yayıb. Sfera.az xəbər verir ki, itkin düşmüş hesab olunan 28 nəfərin foto şək...

Rəşad Nəbiyev özünə yeni müşavir təyin etdi - FOTO

Azərbaycan Nəqliyyat, Rabitə və Yüksək Texnologiyalar Nazirliyində yeni kadr təyinatı olub. Sfera.az xəbər verir ki, bu barədə Nəqliyyat, Rabitə və Yüksək...

“İsgəndər” raketi Bakı üzərində vurulub – Britaniya mətbuatından ŞOK

Ermənistan noyabrda Qarabağ müharibəsi zamanı Rusiya istehsalı olan ballistik "İsgəndər” raketini Bakını vurmaq üçün istifadə edib. Lakin raket Bakı üzərində Az...

Xocavəndin Düdükçü kəndi - FOTOLAR/VİDEO

Müdafiə Nazirliyi Xocavənd rayonunun Düdükçü kəndindən videogörüntülər yayıb. Sfera.az  görüntüləri təqdim edir:   ...

İsraildən ölkəmizə humanitar həkim heyəti gəldi - FOTOLAR

YAŞAT Fondunun təşəbbüsü, İsrailin Azərbaycandakı səfirliyinin və Akademik Zərifə Əliyeva adına Milli Oftalmologiya Mərkəzinin təşkilati dəstəyi ilə İsraildən ...