Sfera.az bildirir ki, buna səbəb COVID-19-un yeni variantının adı olub. 

Belə ki, eyni adlı klinikanın sahibi olan Aleksandr Padar adlı şəxs  ştama da "Omicron” adının verilməsini nüfuzuna zərbə kimi dəyərləndirib. O, ÜST-ə bu addan istifadəni qadağan etmək istədiyini deyib.

"Klinikamızın adı artıq qeydiyyatdan keçmiş ticarət nişanıdır. "Omicron” adının yeni varianta verilməsi, mənim işgüzar nüfuzuma xələl gətirir. Əgər kimsə "Omicron”dan ölsə, çətin ki, onların ailəsi və ya dostları bu adda klinikaya gəlsin”, - deyə şirkət direktoru bildirib.

Padar şirkətini tanıtmaq üçün xeyli pul xərclədiyini də əlavə edib: 

"İnternetdə uzun müddətdir ki, axtarış sisteminə "Omicron”  sözünü daxil edərkən, klinikalar şəbəkəsi ilk nəticələr arasında görünürdü. Amma indi belə deyil. Ona görə də maliyyə itkiləri qaçılmaz olacaq. Məsələn, dünən bir xəstəyə zəng etdim, klinikanın adını eşidəndə, "Omikron koronavirusun yeni ştamıdır. Nə istəyirsən? Mənə yoluxdurmaq?” - dedi və telefonu üzümə bağladı”.

Qeyd edək ki, məhkəmə iddiası Ümumdünya Səhiyyə Təşkilatının Rusiya nümayəndəliyinə qarşı qaldırılıb.