İtaliya millisinin sabiq futbolçusu Klaudio Markizio karyerasını başa vurur.

Sfera.az  xəbər verir ki, 33 yaşlı yarımmüdafiəçi qərarını sabah "Yuventus"a məxsus "Alyans Stadium”da rəsmən açıqlayacaq. Onun bu addımı atmasına səbəb səhhəti ilə bağlı yaranmış problemlərdir. 

Sonuncu dəfə bu ilin fevralında meydana çıxan K.Markizionun "Zenit”lə müqaviləsinə iyulun 1-də xitam verilib.

Qeyd edək ki, "Yuventus”un yetirməsi olan yarımmüdafiəçi 25 ilini İtaliya klubunda keçirib. Yeddi dəfə İtaliya çempionu olan K.Markizio 3 dəfə ölkə kuboku, 4 dəfə Superkubokunu qazanıb. Burada 389 matç keçirən oyunçu 37 qola imza atıb.