"Meqafon" şirkətindən Azərbaycana qarşı təxribat

Rusiyanın mobil operatorlarından biri olan "Meqafon” şirkəti Azərbaycanın ərazi bütövlüyünə qarşı təxribatını davam etdirir.

Belə ki, Rusiyanın ölkəmizin ərazi bütövlüyünü tanımasına baxmayaraq, "Meqafon” Qarabağ separatçıları üçün kommunikasiya xidmətləri təklif edir. Hətta şirkət öz saytında qondarma "Dağlıq Qarabağı” müstəqil dövlət kimi göstərib.

Qeyd edək ki, belə məlumatların yayılması 2018-ci ilin noyabrından, şirkətə erməni əsilli Gevork Vermişyanın rəhbər təyin edilməsindən sonra daha geniş vüsət alıb.

Həmyerlilərimizdən birinin mobil operatorun müştəri xidməti mərkəzinə bu təxribatın aradan qaldırılması barədə müraciətinə "Meqafon” şirkətinin cavabı belə olub: "Bizim dövlətimiz Dağlıq Qarabağı ayrıca dövlət kimi tanıyır. Şirkətimiz isə Rusiya Federasiyasının qanunlarına uyğun olaraq fəaliyyət göstərir.”

Azərbaycan Respublikasının Xarici İşlər Nazirliyi, Nəqliyyat, Rabitə və Yüksək Texnologiyalar Nazirliyi və Azərbaycanın Rusiyadakı səfirliyinin birgə səyləri, eləcə də Rusiyada yaşayan həmyerlilərimizin ciddi etirazları nəticəsində "Meqafon” şirkətinin saytında olan bu təxribat xarakterli məlumat aradan qaldırılıb.

Bu kimi qanunazidd addımların respublikamız üçün informasiya təhdidləri və dövlət təhlükəsizliyi məsələlərində ciddi problem yaratması səbəbindən Azərbaycanın mobil operatorlarının "Meqafon” şirkəti ilə əməkdaşlığı dayandıracağı nəzərdə tutulur.

Trend xatırladır ki, "Meqafon” Azərbaycanın Ermənistan silahlı birləşmələri tərəfindən işğal olunmuş Dağlıq Qarabağ ərazisində telekommunikasiya xidmətlərini fəal inkişaf etdirir və öz tərəfdaşı olan "Qarabağ Telekom” şirkəti vasitəsilə rouminq xidmətləri həyata keçirir.

OXŞAR XƏBƏRLƏR

Qubanın icra başçısının müavini və şöbə müdiri koronavirusa yoluxdu

 Quba Rayon İcra Hakimiyyətinin başçısının humanitar məsələlər üzrə müavini Səidə Abbasova və ümumi şöbənin müdiri Neman Hüseynov koronavirusa yoluxub. ...

SON DƏQİQƏ! Daha bir həkim koronavirusdan vəfat etdi - FOTO

 Cəlilabad Rayon Təcili və Təxirəsalınmaz Tibbi Yardım Stansiyasının koronavirusa yoluxan həkimi, 1955-ci il təvəllüdlü İbadət Ağayev vəfat edib. Sfe...

Azərbaycanda sabiq nazirin anası koronavirusdan vəfat etdi

 Sabiq Əmək və Əhalinin Sosial Müdafiəsi naziri, "İmproteks Şirkətlər Qrupu"nun rəhbəri Füzuli Ələkbərova ağır itki üz verib. Sfera.az xəbər verir ki...

SON DƏQİQƏ! Hafiz Paşayevin həyat yoldaşı vəfat etdi

 Azərbaycan Resbublikasının Xarici İşlər nazirinin müavini, ADA Universitetinin rektoru Hafiz Paşayevin həyat yoldaşı Rəna Paşayeva dünyasını dəyişib. ...

Azərbaycanın xalq artisti koronavirusa yoluxdu - FOTO

 Xalq artisti Nəzakət Teymurova koronavirus infeksiyasına yoluxub. Sfera.az xəbər verir ki, bu haqda aparıcı Hacı Nuran Hüseynov məlumat verib. O bil...

Azərbaycanda kəndi sel basdı - maşın sular altında qaldı

  Qobustan rayonunun Poladlı kəndində yağan güclü yağışdan sonra dağlardan gələn sel suları sakinlərə böyük ziyan vurub. Sfera.az APA-ya istinadla x...