19:T7d3,

“Galaxy Glasses” diqqət mərkəzində olacaq “Samsung” iyulun 22-də Londonda növbəti “Galaxy Unpacked” tədbirini keçirməyə hazırlaşır.

Sfera.az Cənubi Koreyanın “Seoul Economic Daily” (SED) qəzetinin yaydığı məlumata istinadən xəbər verir ki, tədbirdə şirkətin yeni nəsil qatlanan smartfonları olan “Samsung Galaxy Z Fold8” və “Samsung Galaxy Z Flip8” ilə yanaşı, ilk ağıllı eynəyi sayılan “Galaxy Glasses”in də təqdim ediləcəyi gözlənilir. Məlumata görə, tədbirdə həmçinin “Samsung Galaxy Watch9” seriyası və daha böyük xarici ekranla təchiz edilən yeni “Fold Wide” modeli də nümayiş olunacaq. Yeni modelin planşetə yaxın ekran nisbəti ilə istifadəçilərə daha geniş görüntü təcrübəsi təqdim edəcəyi bildirilir.

“Samsung”un bu addımı, “Apple” şirkətinin ilk qatlanan “iPhone” modelini təqdim etməyə hazırlaşdığı bir dövrdə qatlanan cihaz bazarındakı liderliyini qorumaq məqsədi daşıyır. Mənbələrin sözlərinə görə, eynəklərdə dinamiklər, mikrofonlar və yüksək keyfiyyətli kamera olacaq. Bununla yanaşı, cihaz ayrıca displeyə malik olmayacaq. “Galaxy Glasses” istifadəçinin ətrafını real vaxt rejimində analiz edərək səs vasitəsilə məlumat ötürə biləcək. Samsung bu cihazı yalnız geyilə bilən texnologiya kimi deyil, həm də öz süni intellekt ekosisteminin əsas hissələrindən biri kimi təqdim etməyi planlaşdırır. Şirkət cihazın smartfonlar, SmartThings sistemləri, eləcə də Hyundai Motor Company və Kia ilə birgə hazırlanan avtomobil xidmətləri ilə inteqrasiya olunacağını vurğulayır.

Fidan Hacızadə

Sfera.az

“Samsung”dan ağıllı eynək -“Galaxy Glasses” təqdim olunacaq