Tbilisidə, Gürcüstan parlamentinin binası yaxınlığında xarici agentlər haqqında qanun layihəsinə qarşı çıxanların mitinqi başa çatıb.

Sfera.az Tass-a istinadən xəbər verir ki, 9 Aprel küçəsində parlament binasının xidməti girişində dayanan sonuncu polis kordonu da götürülüb. Bir qədər sonra etirazçılara parlamentin yaxınlığındakı ərazidə sərbəst hərəkət etməyə icazə verilib.

Parlamentdə siyasi partiyaların nümayəndəsi yoxdur. Bəzi etirazçılar hələ də qanunvericilik binasının yaxınlığında qalırlar.

Sözügedən qanun layihəsinin yekun oxunuşunun mayın 17-də müzakirəsi planlaşdırılır.

Əzizə