Avstriyada Hitlerin evi neonasistlər üçün "tələyə" çevrilib
Nasist lideri Adolf Hitlerin 1889-cu ildə anadan olduğu bina polis bölməsi kimi yeni həyatına başlayıb. Bununla hakimiyyət orqanları evi əsl ziyarət edən neonasistləri qorxutmağa ümid edir.
Sfera.az bildirir ki, Avstriya ilə Almaniya sərhədinin yaxınlığındakı “Braunau am Inn”də yerləşən böyük terraslı ev əvvəllər özəl mülkiyyətdə olub və burada əlilliyi olan insanlar üçün xeyriyyə təşkilatı yerləşib. 2017-ci ildə Avstriya binanı zorla əldə edib. “The Independent” qəzetinin məlumatına görə, indi orada polis bölməsi açılacaq.
Hökumət ümid edir ki, bu çevrilmə neonasistlərin binaya ziyarət etməsinin qarşısını alacaq.
Yenidənqurma işləri başlamazdan əvvəl belə, binanın tarixi əhəmiyyətinin yeganə xatırlatması səkidəki bir daş idi. Bu daş Holokost zamanı 90.000-120.000 arasında insanın öldüyü Mauthauzen həbs düşərgəsinin qalığı idi.
Onun üzərində "Sülh, azadlıq və demokratiya uğrunda. Bir daha faşizm olmasın. Milyonlarla ölü xəbərdarlıqdır" yazısı var. Hitlerdən bəhs edilmir, lakin bu, onun "pərəstişkarlarını" dayandırmayıb.
"Məqsəd Adolf Hitlerlə hər hansı bir əlaqəni aradan qaldırmaq, hadisədən sirr aurasını çıxarmaq idi"- deyə Avstriya Daxili İşlər Nazirliyinin tarix şöbəsinin müdiri Stefan Mlzoch bildirib.
Hitler hakimiyyətə gələndə binada muzey yerləşirdi və "Führerin doğulduğu yer"ə turlar təşkil olunurdu. Lakin Hitler özü 1889-cu ildə orada yalnız bir neçə həftə yaşayıb, bundan sonra ailəsi köçüb. Ailəsi, 1913-cü ildə Birinci Dünya Müharibəsində döyüşmək üçün getdiyi Almaniyaya köçməzdən əvvəl Linz və Vyanada yaşayırdı. Qayıtdıqdan sonra gələcək fürer "Hitler yerləri"nə turların hələ də populyar olduğu Münhendə yaşayırdı.
Yerli rəsmilər bildiriblər ki, hazırda turistlərlə bağlı yalnız "təcrid olunmuş hadisələr" qeydə alınır ki, bu da əvvəlkindən daha azdır.
Bələdiyyə başçısı Yohannes Vaydbaxer binanın xeyriyyə və ya rəsmi inzibati məqsədlər üçün istifadəsini tövsiyə edən komissiyada olub.
Xeyriyyə təşkilatı ideyası dərhal rədd edilib, çünki bu, ərazini ictimaiyyət üçün çox əlçatan edərdi. Nəticədə, polis bölməsi açılıb.
"Düşünürəm ki, bu, yaxşı bir yanaşmadır, amma hamımızın ümid etdiyi və gözlədiyi kimi işləyib-işləməyəcəyi hələ məlum deyil"- deyə o bildirib.
Bəzi etirazlar, o cümlədən Avstriyanın aparıcı Holokost qurbanları təşkilatı olan Mauthauzen Komitəsindən də irəli sürülüb.
Qeyd edək ki, onilliklər ərzində Avstriya 1938-ci ildə Nasist Almaniyası tərəfindən ilhaq edildikdə Milli Sosializmin ilk qurbanı olduğunu iddia edib.
Aynil