Ən az problem çıxaran avtomobil modeli - FOTO

İngiltərədə uzun illər avtomobil təmiri ilə məşğul olan usta Paul Lukas ikinci əl avtomobil bazarında ən az problem çıxaran modelin adını açıqlayıb. 

Sfera.az xəbər verir ki, o, “Daily Mail”ə verdiyi müsahibədə “Ford Focus Mk1” modelinin həm dayanıqlılığı, həm də aşağı servis xərcləri ilə seçildiyini bildirib.

Lukas qeyd edib ki, təxminən 15 il əvvəl cəmi 500 funt-sterlinqə aldığı 2002–2003-cü il istehsalı “Ford Focus Mk1” bu günə qədər heç bir ciddi texniki nasazlıq yaratmayıb.

Ustanın sözlərinə görə, bu model texnologiyanın hələ sadə olduğu dövrə aiddir və mexaniki açarla işlədiyi üçün həm nostalji, həm də praktik üstünlüklərə malikdir.
Son illərdə bəzi avtomobil markalarında hava yastığı və mühərrik problemləri səbəbindən baş verən geri çağırmalar fonunda, sürücülər ikinci əl bazarda daha etibarlı modellərə üstünlük verməyə başlayıb. Mütəxəssislər isə “Ford Focus Mk1” modelini “ağıllı seçim” adlandırırlar.

Bəsti Rəfizadə
Sfera.az