Günümüzdə insanlar bir çox hallarda yalanı ustalıqla gizlədə bilirlər. Lakin bədən dili, davranışlar bir çox hallarda bu gizliliyi aradan qaldırır.
Mütəxəssislər bildirirlər ki, bir insanın sözlərinə yox, bədəninin verdiyi siqnallara diqqət yetirməklə onun səmimi olub-olmadığını anlamaq mümkündür. Bəzən “inanıram” dediyimiz insanlar bədən dilləri ilə əksini deyə bilər. Son dövrlərdə aparılan müşahidələr göstərir ki, bir insanın etibarlı olub-olmadığını anlamaq üçün onun sözlərindən çox, davranışlarına diqqət yetirmək lazımdır.

Sfera.az mütəxəssislərin fikirlərinə əsasən, yalan danışan insanların iç dünyasını və niyyətlərini üzə çıxaran 7 əlaməti təqdim edir.

1. Göz təmasından qaçmaq:

- Daim göz təmasından qaçan insanlar, adətən bir şeyi gizlətməyə çalışırlar. Baxışlarını yayındırmaq, yalan danışma ehtimalını artırır. Qarşınızdakı şəxs gözlərini tez-tez qaçırırsa, diqqətli olun.

2. Qarşıdurmalardan yayınmaq:

- Əgər bir insan sizinlə açıq danışmaqdan qaçır, daim telefona baxır və söhbətdən yayındırıcı amillər axtarırsa, bu, narahatedici bir siqnaldır. Bu davranış xüsusilə sonradan yaranıbsa, narahatlıq doğurur.

3. Danışarkən uzaq durmaq:

- Normal ünsiyyət zamanı insanlar bir-birinə yaxın durmağa meyllidir. Əgər qarşınızdakı şəxs vücudu ilə sizdən uzaq dayanırsa və ya suallardan yayınırsa, bu, inamsızlıq siqnalıdır.

4. Anormal göz qırpma:

- Göz qırpmaq normal olsa da, çox tez-tez və ya demək olar ki, heç göz qırpmamaq daxili gərginlikdən xəbər verir.

5. Əlləri və ayaqları çarpazlamaq:

- Qol və ayaqların çarpaz vəziyyətdə saxlanması müdafiə və ya özünü qoruma instinktinin təzahürü kimi qəbul edilir. Bu da şəxsin özünü rahat hiss etmədiyinə işarədir.

6. Əllərin həddindən artıq hərəkəti:

- Normaldan çox əl hərəkəti, insanın özünü inandırıcı göstərməyə çalışdığını və içində bir narahatlıq yaşadığını göstərə bilər. Həddindən artıq hərəkətlər insanın özünü “rol oynayırmış” kimi aparmasına səbəb ola bilər. Bu davranış bəzən yalan danışan insanlarda müşahidə olunur.

7. Səsdə dəyişiklik və titrəmə:

- Yalan danışan insanlar bəzən səs tonlarını idarə edə bilmirlər. Səsin titrəməsi və ya kəskin dəyişməsi, iç dünyadakı gərginliyin əlaməti ola bilər.

Ekspertlərin tövsiyəsinə əsasən, bədən dili ilə verilən bu siqnalları düzgün oxumaq, sizi mənfi münasibətlərdən və güvənilməyən insanlardan qorumağa kömək edə bilər. Hər hansı bir davranışa əsasən qərar vermədən öncə bütöv bədən dili kontekstini qiymətləndirmək isə vacibdir.

Bəsti Rəfizadə
Sfera.az

Bədən dili yalanı necə aşkaralayır? - Bu 7 əlamətə diqqət - ARAŞDIRMA