Öz-özünə danışmaq faydalı imiş...

İnsanların öz-özünə danışması uzun illər qəribə və ya sosial baxımdan uyğunsuz hesab edilib. 

Sfera.az xəbər verir ki, “Nottingem Trent” Universitetində aparılan son psixoloji araşdırma bu qənaəti tamamilə dəyişir.

Alimlər müəyyən ediblər ki, öz-özünə pıçıldayan və ya səsli danışan insanlar daha yaxşı diqqət toplayır, sürətli düşünür və qərarları daha effektiv şəkildə verir. Səbəb isə insan səsini eşitdikdə beyin məlumatı daha ciddi qəbul edir və bu da zehni aktivliyi artırır.

Araşdırmanın rəhbəri Linda Parker bildirib:

“Öz-özünə danışmaq beyinin fokuslanma mərkəzlərini aktivləşdirir. Biz bunu uşaqlarda normal qarşılayırıq, amma böyüklərdə də eyni dərəcədə faydalıdır”.

Mütəxəssislər qeyd edirlər ki, bu texnika xüsusilə qarışıq tapşırıqlar zamanı istifadə olunduqda, gündəlik məhsuldarlığı artırmaqda əhəmiyyətli rol oynaya bilər.

Yəni, artıq birisi səni “öz-özünə nə danışırsan?” deyə soruşsa, rahatlıqla cavab verə bilərsən: “Beynim üçün çalışıram”.

Fidan Hacızadə
Sfera.az