Dünyada ən az boşanma bu ölkədədir - İnsanları daha sadiqdir

Şri-Lanka dünyada boşanma göstəricisinin ən aşağı olduğu ölkələrdən biridir. Ölkədə evlilik uzunömürlü və dağılmayan müqəddəs bir bağ kimi qəbul olunur. Boşanma faktı isə demək olar ki, yoxdur.

Sfera.az xarici mediaya istinadən xəbər verir ki, mütəxəssislər bu vəziyyəti yalnız dini inanclar və ənənələrlə deyil, həm də iqtisadi və sosial səbəblərlə izah edirlər.

Cəmiyyətdə uşaqlıqdan bəri aşılanan “çətinliklər birlikdə aşılmalıdır” prinsipi, evliliyin əhəmiyyətini gücləndirir. Boşanma isə bir çox bölgədə tabu sayılır.
Xüsusilə kənd yerlərində qadınların iqtisadi asılılığı və boşanmış qadınlara qarşı mənfi münasibət, ailələrin davamlılığında mühüm rol oynayır. İnsanlar yoxsulluq qorxusu və cəmiyyətin təzyiqi səbəbindən evliliklərini davam etdirməyə üstünlük verirlər.

Bununla belə, böyük şəhərlərdə təhsil və məşğulluq imkanlarının artması gənclər arasında fərqli yanaşmaların formalaşmasına səbəb olub. Artıq bir çox cütlük evliliyi sosial təzyiq deyil, qarşılıqlı sevgi və anlayış üzərində qurmağa çalışır.

Bəsti Rəfizadə
Sfera.az