"Simpsonlar" Trampı "öldürüb"? - "Bu səhnə yoxdur"
"Simpsonlar" cizgi filmində ABŞ Prezidenti Donald Trampın ölüm tarixi ilə bağlı işarənin olduğu iddia edilib. Videoda Trampa bənzəyən bir xarakterin tabut içində olduğu səhnə yer alır. Bu iddialara cavab olaraq, serialın istehsalçılarından Matt Selman açıqlama verib.
Sfera.az xarici mediaya istinadən xəbər verir ki, internetdə "Simpsonlar"a aid olduğu iddia edilən videoda Trampın 12 aprel 2025-ci ildə ölməsi iddia olunub.
Videoda Trampa bənzəyən bir xarakterin tabut içində göstərildiyi, ətrafında siyasi fiqurların olduğu görünür.
Lakin bu nəzəriyyənin gerçək olmadığını qeyd edən azarkeşlər, serialın istehsalçılarından Matt Selmanın açıqlamalarını da diqqətə çatdırıb. Selman, “Bu səhnə heç bir bölümündə yer almayıb”, - deyərək bu iddiaları təkzib edib.
"Simpsonlar" cizgi filmi, əvvəllər bəzi hadisələri öncədən təxmin etməsi ilə tanınır. 2000-ci ildə yayımlanan bir bölümündə Trampın ABŞ Prezidenti olacağı göstərilmişdi. Həmçinin, 1995-ci ildə ağıllı saatların yüksəlişini doğru təxmin edən səhnələr mövcuddur.
Bəsti Rəfizadə
