Uşaqlar valideynlərindən çox süni intellektlə danışırlar - STATİSTİKA

Uşaqlar valideyn yerinə çatbotlara üz tuturlar.

Sfera.az “Daily Mail” nəşrinə istinadən xəbər verir ki, Böyük Britaniyanın Uşaq Komissarı Dame Reyçel de Souza valideynlərin laqeydliyinin uşaqlarda ayrılıq hissi yaratdığını və süni intellektin, o cümlədən ChatGPT-nin bu boşluğu doldura biləcəyini deyib. O, Uşaqlıq Festivalında çıxışı zamanı qeyd edib ki, uşaqlar sadəcə dinlənilmək istəyirlər və valideynlər onlara çatbotlardan daha sürətli cavab verməlidirlər.

Dame Reyçel İngiltərədə 19 000 məktəb və kollec arasında sorğu keçirib. Bu, ölkədəki məktəblərin təxminən 90%-ni əhatə edir. Araşdırmaya görə məktəblərin 55%-i uşaqların onlayn təhlükəsizliyindən narahatdır. 71%-i yeniyetmələrin psixi sağlamlıq xidmətlərinə çıxışına görə narahatlıq keçirir. 46%-i yoxsulluğun uşaqlara təsirindən qayğılıdır. O, AI “deepfake” texnologiyasının fəsadları, məktəblərdə mobil telefon istifadəsi və uşaqların polisə etibarı kimi məsələlərə diqqət yetirəcəyini də bildirib.

Fidan Hacızadə