Ölkələrin idarə edilməsində adətən oxşar qaydalardan istifadə edilsə də bəzən dövlətlər tərəfindən fərqli, spesifik qaydaların tətbiqinə də rast gəlinir.
Tətbiq olunan qeyri-adi qanunlar, yalnız müəyyən mədəniyyətlər və praktiki ehtiyaclarla bağlı deyil, bəzən də tarixi və sosial səbəblərlə yaranıb. Bu qanunlar, həmçinin yerli ənənələri və fərqli anlayışları da əks etdirir.

Sfera.az bəzi ölkələrdə mövcud olan və qəribə qarşılanan qaydaları təqdim edir.

Sinqapurda saqqız çeynəmək qadağandır. Sinqapur şəhər dövləti olaraq, təmizliyi və nizam-intizamı ilə tanınır. 1992-ci ildən burada saqqız çeynəmək qadağandır. Səbəb, saqqızın yerə atılaraq ətraf mühitə zərər verməsi və şəhərin təmizliyinin pozulmasıdır. Sinqapurda ətraf mühitin təmizliyi o qədər önəmlidir ki, bu qanunun pozulması ciddi cərimələrə və hətta həbs cəzalarına səbəb ola bilər. Burana saqqızın qanuni şəkildə alınması yalnız xüsusi lisenziyaya sahib şəxslərə icazə verilir.
Digər maraqlı qayda Norveçin Lonqyirbyen qəsəbəsində ölümün qadağan edilməsidir.

Norveçin Svalbard adalarında yerləşən Lonqyirbyen qəsəbəsində ölüm qadan olunub. Bu qəribə qayda, donmuş torpaqlarda cəsədlərin çürüməməsi səbəbindən tətbiq edilib. Qəsəbədəki insanların ölümünə yol açan hər hansı bir səbəb, cəsədin dərhal çıxarılmasına və başqa bir yerə daşınmasına səbəb olur. Lonqyirbyen qəsəbəsi, qütb bölgəsində ən şimalda yerləşən yaşayış məntəqəsidir və buradakı soyuq iqlimdə cəsədlər çürümədiyindən onları yerə dəfn etməyə icazə verilmir. Bu səbəbdən, əgər bir şəxs ölürsə, ya da ciddi xəstəliyə tutulubsa, şəxs dərhal başqa bir yerdə müalicə almalı və ya dəfn edilməlidir.

Başqa bir maraqlı qadağa Yaponiyada bel ölçüsü ilə bağlıdır. Yaponiyada tətbiq olunan bu qaydaya əsasən, 40 yaşından yuxarı kişilər üçün bel ölçüsünün 80 sm-dən çox olmaması şərtini qoyur. Eyni şəkildə, qadınlar üçün bu hədd 90 sm-dir. Bu qayda ölkədə piylənmə ilə mübarizə aparmaq məqsədilə qəbul edilib. Yaponiyada dövlətin, insanların sağlamlığını qorumaq üçün bir çox sağlamlıq və pəhriz proqramları var. Bu qanun, həmçinin cəmiyyətin sağlam həyat tərzi sürməsi və çəki artımını önləmək məqsədini güdür. Piylənmənin sağlamlıq problemlərinə gətirib çıxarmaması üçün bu cür qanunlar əhəmiyyətlidir.

ABŞ-da da bir sıra qəribə qadağalar tətbiq edilib. ABŞ-nin bəzi ştatlarında tətbiq olunan qəribə qadağalar bəzən hətta qəribə yanaşma kimi başa düşülür. Məsələn, Alyaskada təyyarədən maralların şəklini çəkmək qadağandır və ya marallara spirtli içki vermək də qeyri-qanunidir. Həmçinin, İndiana ştatında sarımsaq yeyən bir şəxsin, 4 saat ərzində kino və ya teatrda iştirak etməsi qadağandır.

Floridada da qəribə qanunlar icra olunur. Floridanın bəzi yaşayış məntəqələrində qeyri-adi qaydalar tətbiq olunub. Məsələn, Pensakola şəhərində, cibində 10 dollardan az pulu olan birinin evdən kənara çıxması qadağandır. Həmçinin, Kaliforniyada, hamam vannasında portağal yemək də qanuna ziddir.
Digər bir maraqlı qadağa Almaniyada tətbiq edilir. Almaniyada yastıqlar “silah” növü kimi təsnif edilib. Buna görə də, yastıqla başqasına hücum etmək, müəyyən şərtlər daxilində, cinayət hesab olunur. Bu qanun, xüsusilə, məişət zorakılığının qarşısını almaq üçün tətbiq edilə bilər.

Bəsti Rəfizadə

Dünyada mövcud olan qəribə QADAĞALAR