Qış aylarında kondisionerdən istifadə evlərin və ofislərin isinməsi üçün əlverişli bir seçim olsa da, düzgün istifadə edilmədikdə bir sıra sağlamlıq və ekoloji problemlərə səbəb ola bilər.

Sfera.az kondisionerin zərərləri və onlardan necə qorunmaq yollarını təqdim edir:

İlk növbədə, kondisionerlər işləyərkən otaqdakı havanın rütubətini azaldır. Bu, dəri quruluğu, burun yollarında qıcıqlanma və hətta gözlərin qurumasına səbəb ola bilər. Xüsusilə qışda, rütubətin onsuz da aşağı olduğu dövrdə, bu vəziyyət daha da pisləşə bilər. Kondisionerin düzgün təmizlənməməsi nəticəsində havada bakteriya və göbələk sporlarının yayılması baş verə bilər. Bu, allergiyalar, tənəffüs yolu infeksiyaları və astma kimi problemləri artırır. Kondisionerin həddindən artıq istifadəsi nəticəsində otağın temperaturu kənar mühitlə müqayisədə çox fərqli olur. Bu, bədənin temperatur fərqlərinə adaptasiya olunmasını çətinləşdirir və soyuqdəymə hallarını artırır.

Həmçinin kondisionerlərin istifadəsi enerji istehlakını artırır. Bu, həm yüksək elektrik xərclərinə, həm də karbon qazı emissiyalarının artmasına səbəb olur, nəticədə iqlim dəyişikliyinə töhfə verir.

Bu zərərlərdən qorunmaq üçün rütubət səviyyəsini artırmağa görə, otaqda nəmləndiricidən istifadə edə bilərsiniz. Bundan başqa, kondisioneri qışda 20-22°C arasında tənzimləmək həm enerji istehlakını azaldar, həm də sağlamlığa zərər verməz. Hər 3-6 aydan bir kondisionerin filtrlərini təmizləmək və ya dəyişmək havanın keyfiyyətini yaxşılaşdırar. Kondisioneri davamlı işlətmək əvəzinə, yalnız ehtiyac duyulduqda istifadə edə bilərsiniz. Elektrik radiatorları və ya təbii qazla işləyən istilik sistemlərindən istifadə enerji sərfiyyatını azalda bilər.Qışda kondisioner rahatlıq üçün əlverişli olsa da, düzgün istifadə edilməzsə, həm sağlamlıq, həm də ətraf mühit üçün zərərlər gətirə bilər. Ona görə də, onun istifadəsi zamanı balanslı yanaşmaq və təhlükəsizlik tədbirlərini görmək vacibdir.

Firuzə Əliyeva

Qış aylarında kondisionerdən istifadə edənlərin NƏZƏRİNƏ!