"Real Madrid"in prezidenti Florentino Peres fransalı hücumçu Kilian Mbappenin nümayiş etdirdiyi oyun səviyyəsindən narazı qalıb. 

Sfera.az xəbər verir ki, bu barədə Revelo nəşri məlumat yayıb .

Mənbəyə görə, Peres son söhbətlərinin birində baş məşqçi Karlo Ançelottiyə "bu, onun imzaladığı Mbappe performansı deyil" deyib. Real Madrid prezidenti fransızın tezliklə meydanda lider kimi görünməsini, Ançelotti də oyunçunun ulduz statusunun görünməyə başlamasını istəyir.

Ümumilikdə Mbappe İspaniya çempionatında 11 oyun keçirib, 6 qol vurub.

Mbappe ilə "Real Madrid/" arasında müqavilənin imzalanması iyunun 3-də rəsmən açıqlanıb. Hücumçu İspaniya nəhənginə azad agent kimi keçib. Bundan əvvəl forvard 2017-ci ildən çıxış etdiyi Fransa PSJ-də çıxış edib.

Oktyabrın 15-də media Mbappenin Stokholmdakı oteldə törədilən zorlamada şübhəli bilindiyini bildirib. Futbolçunun cinayət işində statusu "əsaslı şübhəli" kimi qeyd olunub ki, bu da şübhənin ən aşağı səviyyəsinə uyğundur. Futbolçunun özü bu ittihamları “saxta” adlandırıb.

İnci