Mafiya ilə əlaqələrinə görə həyatı faciəvi sonluqla bitən müğənni - FOTOLAR

Mafiya ilə əlaqələrinə görə həyatı faciəvi sonluqla bitən müğənni - FOTOLAR

Bir zamanlar möhtəşəm səsi ilə bütün arabesk sevənlərin qəlblərini ovsunlayan Esengülün hekayəsini olduqca kədərli və faciəlidir.

 

Sfera.az mafiya əlaqələrinə görə həyatı faciəvi sonluqla bitən müğənni haqqında yazı təqdim edir. Onun ulduz həyatı 16 yaşında başlayıb 25 yaşında bitib. 

 

 

Bu səsyazısı ilə məşhurlaşan Esengül, gömrük işçisi olan əri Orxan Akçınarın dəstəyi ilə səhnəyə çıxmağa başlayıb. Esengülün musiqi biliyi var idi, ilk təhsilini anasından, sonra isə bir çox musiqiçilərdən almışdı.

 

Hələ 16 yaşında ikən “Lunapark Casino”da Emel Sayının bek-vokallarında görünməyə başlayan Esengül, oradan ayrılan kimi başqa bir kazinodan təklif alır və “Bebek Casino”da baş rol oyunçusu kimi səhnəni sözün əsl mənasında silkələməyə başlayır.

Bu gənc, gözəl və şən qadın dövrünün ən məşhur adlarından biri idi. Elə bir kazino yox idi ki, onun arxasınca getməsin.

 

Esengülün yüksəlişi də çox sürətli oldu. O, həyatını çox sürətlə yaşayan qadın idi. Bu, sevgi həyatına da aid idi.

 

Birinci əri Orxan Akçınardan boşanıb, daha sonra Adnan Şenseslə imam nikahı olub. Adnan Şensesdən sonra futbolçu Tayfun Kalkavanla eşq macərası yaşayıb.

Çox güman ki, Esengül 1979-cu ildə kazinoda bir səhnə zamanı ölümünə səbəb olan hadisənin başlanğıcını yaşayıb. Sənətçini izləməyə gələnlər arasında məşhur mafiya adamı Oflu İsmayıl Hacısüleymanoğlu da olub.

 

Esengüldən mahnı oxumasını istəyən Hacısüleymanoğlu, Esengüldən “Repetuarımda bu mahnı yoxdur” cavabını alıb. Hacısüleymanoğlu silahını çıxararaq, 2 nəfəri öldürüb.

 

Şayiələrə görə, Esengül həm Oflu İsmail, həm də kazino sahibi ilə münasibət qurub. Bu sirr açıldıqdan sonra məhz bu hadisə baş verib.

 

Qəzetlər hadisə ilə bağlı “Bir mahnıya görə iki can alındı” başlığı ilə yazsalar da, o zaman vəziyyətin təkcə mahnıya aid olmadığı məlum idi. Oflu İsmayıl yeni bir agentlik qurmuşdu, kazino sahibi isə Esengülü yeni agentliyə vermək istəmirdi.

Bir çox cinayətlərə görə də mühakimə olunan Oflu İsmayıl bu hadisədən sonra xaricə qaçıb və 36 il həbs cəzası alıb.

 

Esengül silahlı hücumdan 20 gün sonra yenə xəbərlərdə göründü, ancaq bu dəfə ölüm xəbəri ilə. Sənətçi qardaşı və dostları ilə yol qəzasında 25 yaşında ikən dünyasını dəyişib.

 

Yaxınları bu qəzanın sıradan bir yol qəzası olmadığını və Esengülün öldürüldüyünü bildiriblər.

 

Ölümündən illər sonra, qəza ilə bağlı dövlət hesabatında bunun “mafiya tərəfindən yol qəzası kimi maskalanan bir qətl" olduğu qeyd edilib.

Esengülün yeraltı dünyası ilə əlaqədə olduğu, hətta bir vaxtlar polis tərəfindən də izlənildiyi bildirilirdi.

 

Hətta şaiyələrdən birinə görə, Esengül əslində ölməmişdi və xilas olmaq üçün “yol qəzasında öldü” bildirilərək, xaricə qaçırılmışdı.

 

Aysel

Sfera.az


OXŞAR XƏBƏRLƏR

Hakan Fidan rusiyalı həmkarı ilə GÖRÜŞDÜ

Türkiyənin xarici işlər naziri Hakan Fidan rusiyalı həmkarı Sergey Lavrovla görüşüb.   Sfera.az xəbər verir ki, bu barədə Rusiya Xarici İşlər Nazirli...

XİN başçısı: "Ermənistan sürətlə silahlanır, aqressiv ritorikasını davam etdirir"

Ermənistanın sürətlə silahlanaraq aqressiv ritorikasını davam etdirməsi sülh prosesinə təhdid törədir.   Sfera.az xəbər verir ki, bu barədə Azər...

Azərbaycanda onlayn alış-veriş edənlərin SAYI ARTDI: ““Trendyol”, “Amazon”, “eBay”...” 

Mərkəzi Bankın məlumatına görə, ötən il elektron ticarətin dövriyyəsi təxminən 41 milyard manat olub.   Sfera.az-ın məlumatına görə, bununla bağlı f...

Azərbaycan Prezidenti Albaniyanın Baş naziri ilə GÖRÜŞDÜ

Martın 1-də Azərbaycan Respublikasının Prezidenti İlham Əliyevin Albaniya Respublikasının Baş naziri Edi Rama ilə təkbətək görüşü başlayıb.   Sfera.a...

Azərbaycan və Albaniya arasında iqtisadi əməkdaşlıq haqqında saziş İMZALANDI - FOTO

Azərbaycan Respublikası Hökuməti ilə Albaniya Respublikası Nazirlər Şurası arasında iqtisadi əməkdaşlıq haqqında Saziş imzalanıb.   Sfera.az İqtisadi...

Azərbaycan və Özbəkistan XİN başçıları GÖRÜŞDÜ - YENİLƏNDİ

Azərbaycanın xarici işlər naziri Ceyhun Bayramov Antalya Diplomatiya Forumu çərçivəsində Özbəkistan Respublikasının xarici işlər naziri Baxtiyor Saidov ilə görü...