Zaman-zaman sizə İngiltərə kraliyyət ailəsinin bəzi qaranlıq məqamları haqqında yazı təqdim edirik.
 

“The Crown” serialının keçmiş mövsümlərində Şahzadə Alisa ilə tanış olanlar onun əzablı həyatını Con Armstronqun “The Guardian”da yazdığı məqalə vasitəsilə öyrəniblər. Əslində isə o məqalə yazılmayıb, həqiqətən yaşanıb.

Şahzadə Alisin həyatı 2012-ci ildə yayımlanan sənədli filmə qədər kölgədə qalıb. Bəs Şahzadə Alis kim idi? “The Crown” serialında “hər birindən daha çox əziyyət çəkdiyi” deyilən şahzadənin həyatı necə keçmişdi?

Sfera.az bu haqda yazı təqdim edir.


Kraliça Viktoriyanın nəvəsinin qızı Battenberq şahzadəsi Alisa 25 fevral 1885-ci ildə Vindzor qəsrində anadan olub və Böyük Britaniya, Almaniya İmperiyası və Aralıq dənizi sahilində böyüyüb.

O, Battenberq ailəsinin üzvü idi və Şahzadə Filippin anası, Kraliça II Elizabetin isə qayınanası idi (Filip və Elizabet uzaq əmiuşağı olub). Alis anadangəlmə eşitmə qüsurlu idi. Onun hazırcavablığı üç dildə danışa bilməsindən irəli gəlirdi: ingilis, alman və yunan. Müxtəlif dillərdə dodaq oxumağı da öyrəndiyi iddia edilir. Şahzadə Alisin qardaşı qızı qrafinya Mountbatten haqqında 2012-ci ildə çəkilmiş sənədli filmdə “Nənəm əlilliyi ilə özü məşğul olmağı öyrənməli olduğunu başa düşdü. O, ailəyə dedi: "Əgər Alisa deyilənləri eşitmirsə və ya başa düşmürsə, onun öz ayaqları üzərində dayanmağı öyrənməsi üçün bunu təkrarlamamağınız çox vacibdir"-dedi.

Balkan müharibələri zamanı cəbhə xəstəxanalarında tibb bacısı işləyib. Bəzən aylarla cəbhədə qalan, çox primitiv şəraitdə, az tibbi yardımla yaralanan insanların qayğısına qalırdı.

1913-cü ildə təşkil etdiyi əməliyyatlara və cəbhədə yaratdığı xəstəxanalara görə “Kral Qırmızı Xaç” hərbi medalı ilə təltif edilmişdir.
1903-cü ildə Yunanıstan və Danimarka şahzadəsi Endryu ilə evləndikdən sonra ərinin titulunu alıb və Yunanıstan və Danimarka şahzadəsi Endryu olub.

O, 1917-ci ildə Yunan kral ailəsinin üzvlərinin əksəriyyəti sürgün edilənə qədər Yunanıstanda yaşayıb. Bir neçə ildən sonra həyat yoldaşı 1919-1922-ci illər arasında türklərə uduzduqları müharibədə günahkar bilinir. Onun edamı təxirə salındıqda, ailə 1935-ci ildə Yunan monarxiyası bərpa olunana qədər portağal yeşiyində ölkədən qaçır. Bu zaman Filip körpə idi. Bu qarışıqlıq Alice və Endryunun sarsıntılı evliliyinə təsir edir. 1920-ci illərin sonlarında Alice Yunan Pravoslav Kilsəsinə sadiqliyini elan edir və kifayət qədər dindar olub.

1930-cu illərdə Alice illərin stressi və qarışıqlığı səbəbindən o zamanlar "sinir məhvi" kimi tanınan psixoloji problemlər yaşamağa başlayır.
Xəyallar görür, İsanı gördüyünü və dünyaya çatdıracaq bir mesajı olduğunu deyir.

İsveçrədəki bir ruhi müəssisəyə zorla həbs edilməsi ilə Şahzadə şizofreniyadan müalicələrə başlayır. O, həmçinin qısa müddət ərzində avstriyalı nevroloq Ziqmund Freydin xəstəsi olub. Xəstəxananın həkimləri onun naməlum bir kişiyə böyük məhəbbət bəslədiyini və bunun İsaya romantik bir bağlılığa çevrildiyini düşünürdülər.
Freyd onu rentgen şüaları ilə menopoza girməyə məcbur edərək sakitləşdirməyə qərar verib.

Bir müddət sonra Alisa xəstəxanadan çıxır və Filipin xəbəri olmadan anası Viktoriya tərəfindən yenidən xəstəxanaya yerləşdirilməyə məcbur edilir. Psixi xəstəliklər və kral ailəsinin məxfiliyini qorumaq istəyi Alisi illər boyu təcrid vəziyyətində saxlayıb.

1932-ci ildə könüllü olaraq xəstəxanadan çıxan Alisa 5 il Almaniyada yaşayır.

1937-ci ildə qızı Cecile təyyarə qəzasında ölənə qədər ailəsindən heç birini görməmişdi. Sonra o, Yunanıstana qayıdır və Filipi özü ilə aparmaq istəyir, lakin Filip bunu rədd edir.

1943-cü ildə Yunanıstan nasistlər tərəfindən işğal edildikdə, Şahzadə üç nəfərdən ibarət Koen ailəsini gizlədir.

Nasist əsgərləri şübhələnməyə başlayanda onların suallarını eşitmədiyini deyərək qaçmağı bacarıb.
1949-cu ildə “Marta və Məryəm” Xristian Qardaşlığı Kilsəsini qurur və sonradan onun imzasına çevrilən geyimi geyinməyə başlayır.

O, 20 ilə yaxın müddətdə burada heç kim onun həqiqi bir Şahzadə olduğunu bilmədən, ehtiyacı olan insanlara kömək edib.


“The Crown”un üçüncü sezonunda göründüyü kimi, Şahzadə daha sonra ölkəsindəki siyasi böhranlar və səhhətinin pisləşməsi səbəbindən İngiltərəyə aparılıb.

İki il sonra 84 yaşında burada vəfat edib.

2012-ci ildə onun haqqında sənədli film yayımlanana qədər Şahzadə Alisin həyatı və yaşadığı iztirablar haqqında heç kim heç nə bilməyib.

Youtubeda bu sənədli filmi “The Other Queen Mother: The Forgotten WW2

Hero. The Queen's Mother in Law” adı ilə izləyə bilərsiniz.

Aynil