Şarbat Qula Əfqanıstanda yaşayan adi bir gənc qız idi. 1984-cü ildə çəkilmiş fotoşəkili ilə bütün dünyada məşhur olub. Bəs məşhur Əfqan Qız fotosunun hekayəsi necə idi?

 

Sfera.az fotosu yüz minlərlə dollara satılarkən özü səfalər içərisində yaşayan əfqan qızın acı hekayəsi haqqında yazı təqdim edir.
 

Məşhur Əfqan Qızı fotosunu görməyən yoxdur yəqin ki...
 

Şəkildəki gözləri ilə insanları valeh edən əfqan qız - Şarbat Qulanın fotosu çəkiləndə 13 yaşı olub. 36 il keçməsinə baxmayaraq, fotoşəkil heç vaxt köhnəlməyib.

Üstəlik, bu fotoşəkil Şarbatın həyatında çəkilmiş ilk fotoşəkil olub.
 

Amerikalı fotojurnalist Stiv Makkarri 17 ildən sonra Pakistana qayıdıb və Şarbatı çətinliklə də olsa tapıb şəklini çəkənə qədər bu şəkilinun yeganə şəkli olub.
McCury bu fotonu Pakistandakı düşərgələrdəki qaçqınların çətinlikləri haqqında məqalə üçün çəkib.
 

Şarbatın məktəb çadırının qarşısında utancaq dayandığını görən Makkuri onun fotosunu çəkmək üçün icazə alıb və beləcə məşhur Əfqan Qız portreti yaranıb.
17 il sonra çəkilmiş bu ikinci fotoşəkildə Şarbatın üzündə qaçqınlığın buraxdığı dərin ağrı və yorğunluq görünür.
(Foto)

“National Geographic”in 1985-ci il sayında əfqan bir tacirin üz qabığında Əfqan Qızla bağlı sözləri bu acının səbəbini ümumiləşdirir: “Elə bir ailə yoxdur ki, müharibənin acısını yaşamasın”.

Bütün dünya onu tanısa da, Şərbat qaçqın düşərgələrində böyük səfalət içində yaşayırdı.
 

Cəmi 6 yaşında ikən bombardman zamanı valideynlərini itirən Şarbat əfqan qaçqınlarının simasına çevrilsə də, bundan xəbəri belə yox idi. Onun fotoşəkili yüz minlərlə dollara satılarkən, qaçqın qadın kimi sürünürdü.
 

O, böyük qardaşı, nənəsi və üç bacısı ilə birlikdə bir həftə qarlı dağları keçərək Pakistana gəliblər.
 

Yolda isinmək üçün ətrafdakı insanlardan yalvararaq yorğan-döşək istəyiblər. Uzun müddət məhrəmiyyətin olmadığı qaçqın düşərgələrində yaşayıblar.
Digər maraqlı məqam isə o idi ki, Şərbət gənc qız ikən bütün dünyada insanları valeh edən fotosunu özü heç vaxt görməmişdi.
 

17 il sonra MakKuri həmin şəkli göstərəndə Şarbatın ilk reaksiyası yemək bişirərkən şalının yanmış deşiklərindən utanmaq olub.

Ancaq illər keçdikcə şəxsiyyəti üzə çıxdıqdan sonra bu foto onun həyatına xeyirdən çox ziyan vurmağa başlayıb.
 

Pakistanda saxta şəxsiyyətlə yaşayış icazəsi aldığı üçün həbs edilən Şarbat bu hadisədən sonra deportasiya edilib və 35 il sonra yenidən Əfqanıstana göndərilib.
Fotonun gətirdiyi şöhrət və medianın diqqətini bəyənməsə də, o zamanla bunu düzgün idarə etməyi bacarıb.


Şarbat fotosundan gələn gəlirlə dul qadınlara və yetimlərə kömək etməyi özünə missiya edib. Şərbət Qula çətin şəraitdə yaşasa da, mübarizədən əl çəkməyən qadın gücünün konkret nümunələrindən biridir.

Aynil