Hadisə buna görə ağladı - VİDEO

Türkiyənin tanınmış pop ulduzu Hadisə iş və konsertlərinin intensivliyi səbəbilə yaşadığı yorğunluqdan danışarkən göz yaşlarına hakim ola bilməyib.  Sənətçinin ağladığı anlara aid görüntülər sosial mediada böyük maraqla qarşılanıb və milyonlarla izlənmə toplayıb.

Sfera.az “Sözcü”yə istinadən xəbər verir ki, 39 yaşlı ifaçı paylaşılan videoda emosional anlar yaşayıb və bunları söyləyib:

“Yorğunam. Biz robot deyilik, insanlar bizi bəzən robot zənn edirlər, məncə. I’m okay”.

Hadisənin bu görüntüləri sosial şəbəkə istifadəçiləri arasında geniş müzakirələrə səbəb olub. Bəziləri sənətçiyə dəstək ifadə edərkən, digərləri məşhurların da psixoloji yük altında olduğunu vurğulayıb.

Bəsti Rəfizadə

Sfera.az