1a:T7be,

Dünyaca məşhur müğənni Cennifer Lopez “Up All Night Live In 2025” dünya turu çərçivəsində Antalyada möhtəşəm konsert proqramı ilə çıxış edib. Belek bölgəsində baş tutan konsertə minlərlə tamaşaçı qatılıb. Gecəyə yerli və xarici tanınmış simalar da qatılıb.

Sfera.az “Sözcü”yə istinadən xəbər verir ki, konsert iştirakçıları arasında futbolçular Antonio Rüdiger, Federico Valverde, Türkiyənin milli oyunçusu Arda Güler, məşqçi Emre Belözoğlu, aktyor Burak Özçivit, aktrisa Hande Erçelin bacısı – sosial media fenomeni Qamze Erçel, eləcə də Hollivud ulduzları Kason Stazam və onun həyat yoldaşı Rosie Huntinqton də yer alıblar.

Cennifer Lopez səhnədə olduğu müddətdə 56 yaşını da qeyd edib. Onun üçün səhnəyə xüsusi tort gətirilib, daha sonra isə doğum günü “Cave” (Mağara) adlı xüsusi suit otaqda çılğın partilərlə davam edib.

Lopezin növbəti konserti avqustun 5-də İstanbulda - Festival Park Yenikapıda keçiriləcək. Müğənni bir neçə gün əvvəl sosial şəbəkədə paylaşdığı videoda İstanbul pərəstişkarlarına müraciət edərək, “Sizi görmək üçün səbirsizlənirəm. Avqustun 5-də gecə boyunca birlikdə oxuyacaq və rəqs edəcəyik”,- deyə bildirib.

Konsert çərçivəsində “Meet & Greet” bileti alan 50 nəfər Cennifer Lopezlə görüş, söhbət və foto çəkdirmə imkanı əldə edəcək. Həmin şəxslər konsertə xüsusi girişdən daxil olacaq və tədbiri VIP zonada izləyəcəklər.

Bəsti Rəfizadə
Sfera.az

4:[["$","script",null,{"type":"application/ld+json","dange

Cenifer Lopez 56 yaşını çılğın şəkildə qeyd etdi - VİDEO