Tarkanın anası dəfn edildi
Türkiyənin məşhur müğənnisi Tarkanın anası Neşe Tevetoğlu bu gün dəfn edilib. O, günorta namazından sonra qılınan cənazə namazının ardınca Maltəpə qəbiristanlığında torpağa tapşırılıb.
Sfera.az xatırladır ki, Tevetoğlu bir müddətdir müalicə aldığı xəstəxanada ürək tutmasından dünyasını dəyişib.
Avropa turu çərçivəsində Almaniyada olan Tarkan, acı xəbəri alan kimi dərhal İstanbula qayıdıb.
Neşe Tevetoğlunun cənazəsi səhər saatlarında Maltepe Cümhuriyyət məscidinə gətirilib. Dəfn mərasiminin keçiriləcəyi məscid və ətrafında geniş təhlükəsizlik tədbirləri görülüb.
Dəfn mərasimindən əvvəl incəsənən ictimaiyyətindən bir çox şəxs məscidə əklillər göndərib. Başsağlığı qəbul edən Tarkanı həyat yoldaşı Pınar Dilek Tevetoğlu da tək buraxmayıb. Mərasimə Zerrin Özer, Behzat Gerçeker və Davut Güloğlu kimi tanınmış simalar qatılıb.
Neşe Tevetoğlunun uzun illər Antalyanın Kemer şəhərində yaşadığı məlum olub.
Fidan Hacızadə
