Tanınmış modelyer, bir dövrün “Victoria’s Secret” modeli olan italiyalı Bianca Balti keçən ilin sentyabr ayında yumurtalıq xərçənginə tutulduğunu açıqlayıb.

Sfera.az "Posta" qəzetinə istinadən xəbər verir ki, Bianca Balti, sentyabr ayında sosial media hesabında bu xəstəliklə bağlı ilk dəfə paylaşım etmişdi.

O, həmin paylaşımında üzləşdiyi xəstəlik haqqında məlumatları izləyiciləri ilə bölüşmüşdü: “Keçən bazar təcili yardıma getdikdən sonra, alt qarın ağrımın 3-cü mərhələ yumurtalıq xərçəngi səbəbindən olduğunu öyrəndim. Qarşıda uzun bir yol var, amma bu xəstəliyə qalib gələcəyimi bilirəm. Özüm, sevdiklərim, qızlarım və gücə ehtiyacı olan hər kəs məndən pay götürə bilər, çünki yüküm böyükdür”.

Kimyaterapiya zamanı saçlarını kəsən Balti, saçlarının tökülməsindən məyus olmadığını, əksinə, gözəllik şablonlarını son anda yıxdığı üçün özünü azad hiss etdiyini bildirib. Məşhur model, “The Times” qəzetinə verdiyi müsahibədə üzləşdiyi vəziyyətdən danışıb:

“Saçlarımı itirmək, mənə güc verdi. Çünki ən cazibədar və ya ən gözəl qız olmaq üçün yarışmıram. Mən həyatım üçün mübarizə aparıram. Qırmızı xalçaya çıxmaqdan qorxmuram”.

Bianca Balti, ən son “Oscar” mərasimi sonrası keçirilən gecə partiyasında qırmızı xalçada görüntülənmişdi. Parik taxmayan tanınmış modelin son görüntüsünə izləyicilərindən minlərlə tərif mesajı gəlib.

Bəsti Rəfizadə

Tanınmış model xərçəngdən əziyyət çəkir - FOTO