Məşhur aktrisa saxlanıldı - FOTOLAR

Netflix-də yayımlanan şounun üçüncü mövsümündə görünən polşalı fenomeni Tayland səfərindən qayıtdıqdan sonra hava limanında külli miqdarda narkotik maddə ilə saxlanılıb.

Sfera.az cumhuriyyet.com-a istinadən xəbər verir ki, Olqa Bednarska küçə dəyəri təxminən 7 milyon TL (341,051 manat) olan narkotikləri İngiltərəyə qaçaqmalçılıq yolu ilə keçirərkən saxlanılıb.

Taylandın Phuket şəhərində adının Tex olduğunu söylədiyi dostundan B sinfi narkotiklərlə dolu çamadanları aldığını iddia edən 27 yaşlı polşalı fenomen şərti həbs cəzasına məhkum edilib.

Mançester hava limanına endikdən sonra gömrük işçiləri Bednarskanın səyahət təşkili şübhə doğurduğu üçün onu saxlayıblar. Manchester Evening News-da yer alan xəbərə görə, gömrük işçiləri tərəfindən aparılan əlavə yoxlamalar nəticəsində Bednarskanın paltarına qoyulmuş təxminən 40 kilo marixuana aşkar edilib.

Prokuror Samuel Eskdale məhkəmədə Bednarskadan təyyarə biletlərinin pulunu kimin ödədiyini soruşduqda o, "Tex" adlı bir dostunun adını verib. Səlahiyyətlilər ona çamadanların parolunu açmasını söyləyib, lakin o, parolu verə bilməyəcəyini deyib. Sonra o, çamadanların dostuna məxsus olduğunu və onları hava limanında ondan aldığını iddia edib.

Britaniya mətbuatının yazdığına görə, Bednarska son bir neçə ildə "gəlirindən çox xərcləyib" və külli miqdarda borc toplayıb. Bildirilib ki, o, borclarını ödəmək üçün "çarəsiz, lakin son dərəcə qeyri-qanuni" yolu seçib.

Bednarska 20 ay həbs cəzasına məhkum edildi, lakin onun cəzası 2 il müddətinə təxirə salındı ​​və məhkəmə ona 15 günlük reabilitasiya proqramında iştirak etməyi əmr edib.