"Üzbəüz gələndə qucaqlayıb, duz kimi yalayıb, əqidəniz olsun..." - Fərdadan Azər Axşama SƏRT REAKSİYA

Aktyor Fərda Amin həmkarı Azər Axşamın "Əgər mən Fərdaya aktyor deyirəmsə, onda mən kiməm?" sözlərinə sərt reaksiya verib.

 

Sfera.az bizim.media-ya istinadən xəbər verir ki, bu barədə Fərda "Sözbaz" maqazin verilişinə müsahibəsində danışıb. 



Həmkarının sözlərindən əsəbiləşən Fərda qarşı tərəfə meydan oxuyub: 



"Mənim aktyorluğuma kimin şübhəsi varsa... Artıq bəlli yaşda və təcrübəm olduğu üçün bu kimi söhbətləri sevmirəm. İllərini yaxşı mənada yaradıcılığına və tamaşaçısına xərcləmiş sənətçilərə səslənirəm. Biz öz danışıqlarımızda sərhəd saxlamalıyıq. Bu müsahibədə adıçəkilən həmkarımın yaxınları, qohumları da var, o tək deyil. Kimliyindən asılı olmayaraq, istər ağzının danışığını bilsin, istərsə də bilməsin. Danışılası o qədər söhbətlər var ki...



O qədər aktyor adı ilə bu sənətə soxulanlar var ki... Onlar müzakirə olunmalı olduğu halda, bizim bir-birimizə bəlli yaşda bu cür müraciət etməyimizi çox qınadım və açıq deyəcəyəm, Azərin yerinə utandım. Ondan heç belə şey gözləmirdim. Bizim münasibətimiz var, onunla dəfələrlə görüşmüşük. O ki qaldı mənim aktyorluğuma, şübhəsi olan Azər daxil, istənilən aktyora yaşından asılı olmayaraq, efir vasitəsilə səslənib deyirəm ki, istənilən rolu qarşı-qarşıya oynayıb sizi üstələməyə belə hazıram. İstədiyiniz obrazı, alışdığınız obrazları demirəm, canlı yayımda, canlı efirdə göstərməyə hazıram.



Amma mən sizə özümü sübut etmək məcburiyyətində deyiləm. Bu, nəyin aqressiyası, kinidir? Bu, harada belə vurub partladı? Bu, niyə belə oldu? Bizim bəlli addımlarımız olub. Məndən yaşca biraz böyük ola bilər, amma mən sənətdə bu sözdən sonra nə onu, nə də ona dəstək olanları özümdən böyük sayıram.

 


Çünki mən imtahanı hər gün tamaşaçı qarşısında vermişəm. Köhnələr, illərini bu sənətə vermiş insanlar bir-birinə hörmət etməsə, arxada gələnlər sizi "şumlayıb" keçib gedəcək. Bunu yadınızda saxlayın! Mənimlə üzbəüz gələndə qucaqlayıb, duz kim yalayıb... Biraz da əqidəniz olsun. Hər kəs həddini biləcək. Yaşım da, təcrübəm də imkan verir deyim ki, mən Allahın bu coğrafiyaya verdiyi möcüzəyəm. Bunu istəyirsiniz qəbul edin, istəyirsiniz də etməyin. Mən öz dəyərimi yaxşı bilirəm, dostum". 


OXŞAR XƏBƏRLƏR

Aİ nümayəndələri Ermənistan tərəfdən sərhədlərimizi izləyib - VİDEO

Yanvarın 25-i günorta saatlarında Ermənistanın Basarkeçər rayonunun Aşağı Şorca yaşayış məntəqəsi istiqamətində yerləşən Ermənistan silahlı qüvvələrinin döyüş...

Azərbaycan Gənclər Fondu Parlamentdə hesabat verəcək

Azərbaycan Gənclər Fondunun 2024-cü ildə fəaliyyəti haqqında hesabat Milli Məclisə daxil olub.   Sfera.az bildirir ki, “Report”un əl...

NATO-nun Ukrayna siyasəti: 191,2 milyard dollar dəstək

Son üç ildə NATO ölkələri Ukraynanı 191,2 milyard dollar məbləğində maliyyələşdirib.   Sfera.az bildirir ki, bu barədə “RİA Novosti” məlu...

Hakan Fidan İraqa səfər edəcək

Türkiyənin xarici işlər naziri Hakan Fidan yanvarın 26-da İraqa səfər edəcək.   Sfera.az xəbər verir ki, məlumatı “Anadolu” agentliyi yay...

BMT-nin baş katibi: Husilər tərəfindən saxlanılan yeddi BMT əməkdaşı dərhal azad edilməlidir

Yəmənin üsyançı “Ənsar Allah” hərəkatının husi üsyançıları tərəfindən qanunsuz şəkildə saxlanılan yeddi BMT əməkdaşı dərhal azad edilməlidir. &nb...

Konyada çökən binada axtarış-xilasetmə tədbirləri bitib - Daha 1 meyit tapılıb

Konyada 4 mərtəbəli binanın çökməsi səbəbilə başladılan axtarış-xilasetmə tədbirləri bitib.   Sfera.az Türkiyə mətbuatına istinadən xəbər verir ki, d...