Koronavirusa yoluxmanın sürətli artım tempi qardaş Türkiyədə magistratura imtahanlarının təxirə salınması ilə nəticələnib.

Ölkəmizdə də pandemiyanın pik həddi yaşanır. Məhz bu səbəbdən qarşıdan gələn magistraturaya qəbul imatahanlarının təxirə salınması ilə bağlı fikirlər dolaşır.

Maraqlıdır, magistr imtahanları təxirə salına bilərmi? Yaxud, imtahanların onlayn qaydada həyata keçirilməsi gözləniləndir?

Məsələ ilə bağlı Sfera.az-a danışan Dövlət İmtahan Mərkəzinin (DİM) Mətbuatla iş sektorunun müdiri Xanlar Xanlarzadə hələ ki, imtahanların ləğvi, yaxud onlayn qaydada keçirilməsi ilə bağlı qərarın olmadığını deyib:

"Magistr imtahanı niyə təxirə salınsın ki? Hələ ki, bu imtahanların keçirilməsinə zaman var. Bu baxımdan indidən qərar vermək doğru olmazdı.

Yoluxma statikasından asılı olaraq, dəyərləndirmə və qiymətləndirmə aparılır. İndi hansısa fikir söyləmək sonradan yanlış anlaşılmaya gətirib çıxara bilər".

Xatırladaq ki, magistratura imtahanlarının ilkin mərhələsi ənənəvi olaraq fevral yaxud mart aylarında keçirilir.

Sfera.az

Əzizə Zeynal