No Image
No Image

"Lukaşenko Bakı və Ankaranın timsalında yeni müttəfiqlərə ehtiyac duyur" - ŞƏRH

Son zamanlar Belarus Prezidenti Aleksandr Lukaşenkonun Bakı, Moskva və Ankara istiqamətində fəallıq nümayiş etdirdiyi göz önündədir. Belə ki, bir müddət əvvəl Bakıda səfərdə olan Lukaşenko evə dönər-dönməz Kreml sahibi Vladimir Putinlə danışıb. İndi isə Belarus Prezidenti türkiyəli həmkarı Rəcəb Tayyib Ərdoğanla telefonla əlaqə qurub. 

Belarus liderinin bu üçbucaq ətrafında son zamanlar var-gəl etməsi nə ilə bağlıdır?

Məsələ ilə bağlı Sfera.az-a danışan QAFSAM sədrinin müavini Nazim Cəfərsoyun fikrincə, Lukaşenkonun Bakı, Moskva və Ankara ilə əlaqələri bir neçə səbəblə bağlı ola bilər. Politoloqa görə, Lukaşenko üçün həm Rusiya, həm də Qərb istiqamətləri artıq yaxşı perspektiv vəd etmir: 
 
"Birinci səbəb Lukaşenkonun daxili və xarici siyasətdəki mövqeyilə bağlıdır. Belarusun daxili siyasəti ciddi problemlərlə üz-üzədir. İqtisadi və siyasi müstəvidə ölkə mühüm çətinliklər qarşısındadır. Belarusun xarici siyasətdə yürütdüyü ənənəvi istiqamətlərdə də problemlər yaşanır. Rusiya ilə əlaqələri də qaydasında deyil. Rusiya Belarusu özünə birləşdirməyə çalışır, Lukaşenko isə ona müqavimət göstərir. Lukaşenkonun Rusiyanın imperalist siyasətini balanslaşdırmaq üçün bunun qarşılığında gedəcəyi Avropa və Amerikadan ibarət qapılar da demokratiya məsələsilə əlaqədar problemlidir. Belarus rəhbəri onu da görür ki, Qərbə meyllənən digər MDB ölkələri Moskvanın sərt imperalist təzyiqinin hədəfi olublar. Buna görə də Qərblə əməkdaşlığı Lukaşenko üçün təhlükəli hala gətirib”.

N.Cəfərsoy bu qənaətdədir ki, mövcud durumda Belarus Prezidenti daxili siyasətdə çətinlik yaratmayacaq, xarici siyasətdə isə mövqeyini balans şəkildə qorumağa imkan verən yeni müttəfiqlərə ehtiyac duyub və bu müttəfiqlər Azərbaycanla Türkiyə ola bilər. Onun sözlərinə görə, Qarabağ müharibəsi bu çərçivədə Lukaşenkonun önündə yeni fürsətlər açıb:
 
"Azərbaycanla Belarusun münasibəti son 30 ildə yaxşı olub. Hətta Rusiyadan təzyiq gələndə Bakı Minskə 250 milyon dollarlıq kredit verdi. Belarus isə ölkəmizə Rusiyadan ala bilmədiyimiz bəzi silahları verdi. Hazırda Belarusun Azərbaycana maraq göstərməsi bu ölkə iqtisadiyyatına yeni ixracat alanı açma imkanıdır. Geosiyasi motivdən də Bakı ilə Minski bölgədə Rusiyanın tez-tez təzahür edən imperalist iddialarına qarşı çıxış edirlər”. 

Politoloq bildirdi ki, Türkiyə ilə Azərbaycanın bölgədə yaratdığı balans Lukaşenkonu da məmnun edib: "Həm Rusiyanın imperalist iddialardan, həm də Qərbin liberallaşmaq tələblərindən özünü sığortalaya bilir. Ona görə də Lukaşenkonun Bakı və Ankara ilə yaxınlaşmasına ikili münasibətlər kontekstində baxıram”. 

Eyni zamanda, N. Cəfərsoy Azərbaycanla yanaşı Türkiyənin də Avrasiya İqtisadi Birliyinə müşahidəçi qismində dəvət olunması ilə bağlı işlərin getdiyini düşünür: "Hansı ki, burada da Lukaşenko təşəbbüskardır”. 

Rüfət SULTAN
Sfera.az

Sehliyali
Turan Bank

OXŞAR XƏBƏRLƏR

Prezidentdən Leyla Abdullayeva ilə bağlı SƏRƏNCAM

Xəbər verdiyimiz kimi, Prezident İlham Əliyev Azərbaycan Respublikasının diplomatik xidmət orqanları əməkdaşlarına diplomatik rütbələrin verilməsi haqqında sərə...

​Mirələmov: Xanımımın məlum videoya münasibəti BELƏ OLDU Kİ...

Məhəbbətin yaşı olmur. Bu nə vəzifəyə nə yaşa, nə pula baxmır. Sfera.az  xəbər verir ki, bu sözləri keçmiş millət vəkili Hüseynbala Mirələmov an...

“Ağdamın mənim vətənim olmadığını bəyan etmişdim” - SARKİSYAN

"Biz kapitulyantı azərbaycanlılar Şuşanı fəth edərək Xankəndinə çox yaxın məsafədə yerləşdiyi bir zamanda üçtərəfli sənədi imzaladığına görə ittiham etmirik, on...

“Caliber”: Qabrelyanov Rusiya rəhbərliyini türkləşdirdi – VİDEO

"Paşinyan və onun ətrafı mənim üçün türk satqınları olaraq qalır. İstənilən bəhanə ilə onlarla ünsiyyət quranlar da mənim üçün türk olaraq qalacaqlar”. "C...

"Artıq müharibənin işartıları görünür, yeni qırıcı təyyarələr istehsaldadır" - Politoloqdan PROQNOZ

"ABŞ NATO qarşısında Çini hədəf götürməklə bu ölkənin bəzi sahələrdə məhdudlaşdırılmasını istəyir. Soyuq müharibə də qurulan planın əsas tərkib hissəsidir". &n...

ABŞ Ukraynanın NATO üzvü olmağını niyə istəmir? - Rusiya ilə gizli razılaşma, yoxsa...

Ukrayna prezidenti Zelenskinin NATO-nun Ukraynanın üzvlüyə qəbul etmək barədə müsbət qərar verdiyini bildirdi. Bundan dərhal sonra ABŞ Prezidenti Co Bayden NATO...