\"Lotu Quli\" Yekaterinburqa dəstə göndərdi
12:17 / 25.01.2017
1927
Azərbaycanlı qanuni oğru, "Lotu Quli” ləqəbli Nadir Səlifov Yekaterinburqa 30-dan çox adamını göndərib. Bu barədə ura.ru "AiF-Ural”- a istinadən məlumat yayıb.
Məlumata görə, məqsəd bir qədər əvvəl qətlə yetirilmiş Rövşən Lənkəranskiyə məxsus obyektləri nəzarətə keçirməkdir.
Yerli hüquq-mühafizə orqanlarındakı mənbənin "AİF-Ural”a bildirdiyinə görə, dəstəyə iki qardaş başçılıq edir. Onlar ilk növbədə 4 saylı bazanı ələ keçirmək niyyətindədrlər. Bu qalmaqallı baza nəinki Yekaterinburqu, bütün Ural regionunun meyvə və tərəvəz, habelə göyərtiylə təmin edir.
Müşahidəçilərin dediyinə görə, Lənkəranskinin tərəfdarları nəzarətlərindəki obyektləri asanlıqla təhvil verməyəcəklər. Bu isə regionda yeni kriminal müharibənin başlaması deməkdir.
