No Image
No Image

"Lavrov İrəvanda “soyqırım abidəsini” ziyarət etdiyi kimi, Bakıda da "Şəhidlər Xiyabanı"nı ziyarət etməlidir”

"Rusiyanın xarici işlər naziri Sergey Lavrov İrəvanda erməni həmkarıyla birgə keçirdiyi mətbuat konfransında belə bir cümlə işlədib: "Minalardan təmizləmə, dini və mədəni irsin qorunması istiqamətindəki səylərimiz azalmır”. Görünür, Lavrov "minalardan təmizləmə” dedikdə ancaq rusiyalı hərbçilərin Qarabağda öz ətraflarını təmizləməsini nəzərdə tutub”.
 
Sfera.az-ın məlumatına görə, bunu politoloq Elxan Şahinoğlu deyib. Onun sözlərinə görə, əslində ermənilər harda gəldi minalar basdırıblar:

"Azərbaycan vətəndaşları müharibədən sonra minaların partlamasından həlak olurlar, çünki ermənilər xəritələri bizə vermək istəmirlər. Bu haqda Lavrov İrəvanda heç nə deməyib. O ki qaldı Lavrovun cümləsindəki "dini və mədəni irsin qorunması istiqamətindəki səylərimiz azalmır” hissəsinə, Qarabağda dini və mədəni irsi də biz özümüz bərpa edirik. Görünür, Lavrov bu cümlədə də  "ermənilərə aid olanları” nəzərdə tutub. 

Rusiyalı nazir həmçinin etimad ab-havasının yaradılması üçün ATƏT-in Minsk qrupu həmsədrlərinin bundan sonra da fəaliyyətinin zəruri olduğunu söyləyib. Azərbaycanın bu "zərurətə” də ehtiyacı yoxdur.

Sergey Lavrov erməni jurnalistlərdən birinin Azərbaycan prezidenti İlham Əliyevin Zəngəzur dəhlizinin işə salınmasıyla bağlı sualına da belə cavab verib ki,  kommunikasiya xətlərinin açılması tərəflərin razılığı və qarşılıqlı faydalılıq əsasında açılmalıdır. Yəni Lavrovun məntiqindən çıxış etsək, əgər Ermənistan razı deyilsə, Zəngəzur dəhlizi açıla bilməz". 

E.Şahinoğlunun sözlərinə görə, beləliklə, Lavrovun İrəvanda dedikləri erməniləri rahatlatmaq məqsədi daşıyıb:

"Görək Lavrov Bakıda nə deyəcək? Ona minalanmış ərazilərin xəritəsindən tutmuş "İsgəndər” raketlərinə qədər suallar vermək lazımdır. Bir də necə ki, Lavrov İrəvanda "soyqırım abidəsini” ziyarət edib, Bakıda da "”Şəhidlər Xiyabanını” ziyarət etməlidir”.

Günay
Sfera.az

Sehliyali
Turan Bank

OXŞAR XƏBƏRLƏR

Azərbaycan XİN beynəlxalq təşkilatlara çağırış etdi

Azərbaycan Respublikası Xarici İşlər Nazirliyinin (XİN) Mətbuat xidməti idarəsinin rəisi Leyla Abdullayeva KİV-in sualını cavablandırıb.  Sfera.az L.Abdul...

“Arayik Arutunyana cavab verilməməlidir, bu səhvi buraxmamalıyıq” - Açıqlama

"Arayik Arutunyan və qondarma qurumun verəcəyi qanunların, işlədəcəkləri ifadələrin heç bir hüquqi əsası yoxdur. Real mənzərə ondan ibarətdir ki, 44 günlük mü...

Mahir Qurbanov Venesuelada vətənimizi təmsil edəcək

Qafqaz - İberoamerika Düşüncə Mərkəzinin sədri Mahir Qurbanov Venesuelanın paytaxtı Karakas da keçirilən "Dünya xalqlarının iki yüzillik Konqresində" Azərbaycan...

XİN: Ermənistanın beynəlxalq hüquq normalarından danışması riyakarlığın son həddidir

Azərbaycan Respublikası Xarici İşlər Nazirliyinin (XİN) Mətbuat xidməti idarəsi Ermənistan XİN-in Şuşa Bəyannaməsi ilə bağlı açıqlamasını şərh edib. Sfera...

Ermənistanda “sükut günü” – Seçkidən sonra sükutu silah səsləri pozacaq?

Ermənistanda seçkiqabağı kampaniya bu gündən etibarən sona çatır. Artıq "sükut günü” elan olunacaq. Maraqlıdır, seçki hazırlıqları ilə bağlı son vəziyyə...

Milli Məclisin deputatına yeni vəzifə verildi

Baş prokuror yanında Elmi-Məsləhət Şurasının Antikorrupsiya Təlim Mərkəzi təsis edilib. Sfera.az xəbər verir ki, quruma Şura üzvü, Milli Məclisin Hüquq si...